Á laugardag var pókerparty hjá Atla og Svenna og rosa gaman bara. Svo er aldrei að vita nema ég fái lánaðar myndir hjá Svenna til að skella inn. Við Atli fórum reyndar ekki í bæinn, ég var að vinna um helgina svo það var ekki alveg í boði fyrir mig að leggja af stað í bæinn eftir kl. 04.. þá var best að fara í bælið... enda er það alltaf gott :) Strákarnir drifu sig samt í bæinn og ætluðu að mála bæinn rauðann. Þegar ég vakaði svo rúmlega átta á sunndagsmorgun var party frammi. Nei sko.. Svenni kom heim með stelpukindur! Góður! Nánar um það síðar.. kemur allt í ljós ;)
Ég ætlaði að fara í hesthúsið á sunnudagsmorgun en svo var bara svo gott að kúra að það varð ekkert úr því. Reyndar fékk ég sms frá Vilhjálmi þar sem hann bað mig að gefa. Ég reddaði því auðvitað en þar sem það var svo erfitt að fara uppúr bælinu fengu hrossin að éta í seinna fallinu. Betra er þó seint en aldrei!
Ég er byrjuð að lónsera Byltingu. Ég gerði það fyrst á fimmtudaginn minnir mig sem gekk bara ótrúlega vel. Ég tók nú bara sénsinn á að hún myndi teymast alla leið í hringgerðið, það er nefnilega ótrúlega bjánalegt að standa allt í einu úti á miðri götu og hrossið bara neitar að halda áfram. Það getur verið vont að lenda í svoleiðis aðstæðum aleinn og yfirgefinn. Þetta gekk nú samt bara eins og í sögu. Ég lét hana nú ekki hlaupa marga hringi enda snérist þetta um að læra hvað á að gera en ekki að púla.
Annars er ég bara enn að strjúka henni og lyfta fótum og svona. Hún mannast örugglega mjög hratt enda er hún ekkert hrædd, það er bara í nösunum á henni ef eitthvað er.
Ég fór í hesthúsið á laugardagsmorgun, ótrúlega fersk bara.. meira að segja komin á undan Lilju uppeftir.. þá hlít ég nú að vera hetja! Ég gaf og dundaði mér. Samba kom með mér og fannst sko ekki leiðinlegt, hún fór meira að segja með mér að lónsera og hljóp fyrst með hryssunni utan með gerðinu en svo hætti hún að nenna því og settist bara inn í miðju hjá mér :)
Ég á eftir að sækja allt hestadótið mitt í húsið til Lilju og koma því fyrir í "húsinu mínu". Svo á ég von á að Bylting verði járnuð í vikunni líka og þá fer boltinn að rúlla. Ég er búin að semja við Lilju um teymingar og svona svo núna fer taminingin af stað fyrir alvöru. Nú þarf hún sko að vinna fyrir matnum sínum eins og Lilja segir svo oft :)
Ég kíkti í hesthúsið í gærkvöldi og dundaði aðeins í hryssunni. Þetta er nú allt létt til að byrja með, ég tók upp fætur og klappaði og strauk hægri vinstri. Svo setti ég á hana múl og teymdi hana út. Samba kom með mér í hesthúsið og fylgdist náið með þessum aðferðum. Ég teymdi hana aðeins um gerðið og það var ekki hik á henni, alveg eins og hundur bara. Svo leyfði ég henni að hreyfa sig aðeins í gerðinu. Hún byrjaði á því að leggjast og velta sér, rosalega ánægð með frelsið. Svo tók hún smá montrúnt um gerðið og lék sér í loftköstum. Ég var rosalega ánægð þegar ég fór úr hesthúsinu því mér líst svo vel hana, hreyfingarnar góðar og allt til fyrirmyndar. Ég hlakka SVO til að byrja almennilega á henni. Ef ég kemst í kvöld þá ætla ég að lónsera hana í fyrsta skipti.
Ég tók auðvitað Canon EOS myndavélina mína með en svo var ég búin að fikta svo mikið í henni að ég strandaði. Ég fékk ekkert vit út úr henni. Ég þarf greinilega að kíkja með vélina í heimsókn til Ásgeirs aftur og biðja hann að leiðrétta ruglið í mér. Ég er auðvitað alltaf með litlu myndavélina með mér líka þó að hún sé prump í samanburði við hina.
Ohh svo gott að leggjast í snjóinn
..og velta sér
svo gaman að vera til :)
Bylting fylgdist mikið með því sem var að gerast í kring um sig. Það er nú auðvitað ein "aðal umferðaræðin" framhjá gerðinu hennar, mikið af fólki sem ríður þar framhjá. Þegar einhver kom ríðandi þá hljóp hún meðfram gerðinu samferða útreiðafólki, frekar sætt. Svo sýndi daman auðvitað bæði tölt og brokk! Ég er voðalega spennt fyrir framhaldinu.
Svo gat ég líka tekið hana út í gerði og teymt hana inn á múlnum. Ég átti frekar von á því að hún myndi ekki láta ná sér og færi frekar inn á eigin forsendum.
Ég var að búa til nýtt myndaalbúm á síðunni undir Hestar. Ég á svo eftir að setja fleiri myndir þar inn.
Kristján ætlaði að vera í Gusti hálf tólf í gærkvöldi. Ég var orðin svo þreytt að ég varð að leggja mig um tíu. Svo hringdi bara síminn minn fyrir klukkan 23 og þá var Kristján alveg að detta í Gust. Úff ég þurfti því að drífa mig fram úr rúminu og fara út í kuldann.
Bylting teymdist eins og hundur af bílnum og inn um öll hlið og inn í hús. Það er ekki hægt að kvarta undan þessari elsku, ekki enn allavega! Hún var voðalega sátt að komast inn í stíuna sína, það beið meira að segja hey í stallinum. Ég reyndi að sýna henni vatnsskálina þar sem ég var smá hrædd um að hún myndi ekki fatta að fá sér vatn úr henni. Hún vildi samt ekkert fá sér neitt úr þessari skál svo ég dreif mig heim að sofa.
Lilja sendi mér svo sms í morgun og sagði að Bylting hefði verið mjög þyrst þegar hún kom í húsið. Hún hafði greinilega ekki náð að fá meira vatn í skálina þar sem hún er aðeins stíf. Við látum bara laga það. Að öðru leiti leit allt vel út og Bylting virðist hafa það gott, eins og prímadonnum sæmir.
En jæja.. ég er víst í vinnu.. ég fer svo í hesthúsið á eftir og heilsa upp á dömuna :)
Dagurinn byrjaði á ræktinni í morgun.. ég var nú samt ógurlega þreytt. Það er svo gott að "þurfa" að keyra Atla í vinnuna.. þá fer ég í rætkina. Ef ég "þyrfti" ekki að keyra hann þá væri ég örugglega ekki dugleg að mæta á svona ókristinlegum tíma í sporthúsið.
Eftir vinnu fór ég upp í hesthús til Lilju. Hún er nefnilega með lykla að húsinu hans Villa dýralæknis en ég er að leigja pláss hjá honum. Lilja sýndi mér húsið og hvar drottningin mín ætti að vera þegar hún kemur. Við spjölluðum auðvitað aðeins, aðallega um hesta í þetta skiptið held ég. Signý á Balaskarði hringdi svo i mig til að láta mig vita að Kristján væri búinn að sækja Byltingu og allt hefði gengið vel. Kristján ætlaði líka að reyna að fara alla leið suður í kvöld en ég átti ekki von á hryssunni fyrr en seinnipartinn á morgun. Það gerði ekkert til fyrir mig, plássið hennar er búið að standa autt síðan um áramót þar sem Ótti hefur enn ekki skilað sér í bæinn. Hann átti að fá að halda plássinu heitu þar til Bylting kæmi inn.
Kristján hringdi svo og lét mig vita að hann kæmi í bæinn um hálf tólf... ég verð nú sennilega þreytt í fyrramálið. En það er líka gaman að geta tekið sjálf á móti henni. Bylting verður örugglega mjög fengin að fá fast undir fót enda búin að vera í 8 tíma á ferðinni þegar hún kemur til mín.
Við fórum af stað eftir vinnu á föstudaginn og Skella fékk að koma með. Norðurferðin gekk vel fyrir sig, hálka en autt og enginn skafrenningur. Þegar við komum í Laxárdal var aðeins snjór á veginum, mátti í raun ekki vera mikið meiri fyrir okkur því við vorum bara á MMC Lancer. Á svona tímum vantar manni sko jeppann. Þetta gekk annars bara vel fyrir sig en það var auðvitað of mikill snjór í lautinni milli bæjarhólanna að við komumst ekki upp á hlað á bílnum. Þá ber maður bara dótið upp hólinn og kvartar ekki einu sinni. Það var ótrúlega tunglbjart svo við vorum ekki í neinum vandræðum með að sjá. Skella var auðvitað voðalega fegin að komast út úr bílnum enda var hún klárlega búin að átta sig á því hvert hún var komin. Henni finnst svo gaman að koma í Mánaskál, hún er auðvitað búin að koma þangað reglulega síðan hún var hvolpur og er sko drottning í ríki sínu þar til hins ítrasta. Við kyntum svefnherbergið mjög vel en samt vöknuðum við um nóttina og þurftum að kveikja aftur upp í gasinu. Þetta var aðeins og mikið af því "góða".
Á laugardagsmorgun var húsið enn mjög kalt eins og við er að búast. Ég dreif þá bara gasofninn í eldhúsið og byrjaði að hita þar. Við klæddum okkur svo bara vel og fórum út. Við sáum svo mikið af tófuförum þegar við komum í dalinn að við ákváðum að skoða aðeins í kring um okkur. Veðrið var ótrúlega gott -6° og stillt. Við fórum að veiðihúsinu og þar hafði bara verið traffík, nóg var af tófuförunum. Við röktum förin að gamni þar sem við ætluðum hvort sem er að ganga upp skarðið við Balaskarð. Við fórum ótrúlega langt þarna upp og gátum rakið förin alla leiðina, við gáfumst svo upp á endanum og röltum bara heim aftur enda getur tófa ferðast allt að 60 km og ansi mikil heppni að ganga fram á hana.
Þegar við komum niður kíktum við á stóðið í túninu í Balaskarði. Tryppin mín heilsuðu öll upp á mig en þó voru strákarnir mínir mannelskari.
Drungi
allt í einu orðinn "stjörnóttur"
Bylting
Myrkvi
Mér finnst alveg ótrúlegt að Drungi Klettssonur sé allt í einu stjörnóttur. Ég veit að hún er ekki stjór stjarnan hans en hún telur allavega 7 hár og það hlítur að gilda. Hver veit nema að ég breyti litnum á honum í Feng.. allavega ef starnan verður enn þarna í vor. Svona geta draumar ræst.. ég sem var orðin svo leið á því að Dimma gæfi mér bara brúna, einlita hesta.. mér finnst ég eiga þessa stjörnu inni :)
Eftir dýrindis kvöldmat fórum við í heimsókn til Signýjar og Magnúsar að Syðra Hóli. Það snjóaði þegar við fórum úteftir svo við stoppuðum ekki lengi, það var öruggara að koma sér heim á litla fólksbílnum sem ekkert drífur í snjó.
Á sunnudag var -3° og gott veður. Við fórum fljótlega af stað út á Balaskarð til að handsama Byltingu. Við lokkuðum hana inn í fjárhús með brauði og heytuggu sem gekk bara furðu vel. Myrkvi og Drungi komu líka inn og við gáfum þeim ormalyf. Það var ekkert mál að taka þá og mýla. Bylting var ekki eins hrifin af því að láta taka sig en hún gaf samt undan strax.
Við fórum svo bara heim og gengum frá því sem við gátum til að geta haldið heim á leið þegar við vorum búin að koma hryssunni frá okkur. Við kíktum líka á hyrnuna og mældum út það tún. Ég er alltaf að spá í að girða.. og þegar maður á meira að segja staurana þá fer þetta að verða ansi mikið sniðugt. Planið er að girða allavega eina girðingu í vor fyrir hrossin mín. Ég er búin að fá fullt af sjálfboðaliðum í girðingarvinnu svo ég hugsa að það verði girt á mettíma ef nóg er til af bjórnum :)
Við fórum svo út að Syðra Hóli aftur og fórum með Signýju og Magnúsi að Balaskarði til að setja Byltingu á kerruna. Þetta gekk allt bara ótrúlega vel en ég átti alveg eins von á því að hún myndi sýna okkur "hvað hún á sig sjálf" það veður nefnilega enginn yfir hana.. að henni finnst allavega. Þetta gekk allavega stórvel fyrir sig og hún var komin inn í hesthús hjá Magnúsi áður en ég vissi af.
Ég fór í heimsókn til Berglindar Önnu í gær. Tjica (www.tjica.com) var voðalega mikil vinkona mín.. auðvitað enda er ég besta frænka ever.. Vikotría var líka bara pínu hrifin af mér.. eða .. ég er reyndar alltaf svo ánægð þegar krakkar garga ekki á mig að þetta var bara brilliant. Hún setti meira að segja upp svona "gesta show" fyrir mig, þe. að þykjast vera týnd í gardínunum sínum. Við Begga gláptum svo bara á DVD og átum snakk og nammi eftir að stelpan sofnaði.. og Tjica fékk að sjálfsöðgðu að kúra hjá okkur :)
Ég mætti í ræktina í morgun þrátt fyrir að hafa alls ekki nennt því. Ég mætti ekki á mánudag eða þriðjudag og þvi var kominn tími til að sprikla smá. Ég var reyndar mjög dugleg í ræktinni í síðustu viku og mætti alla morgna.
Eftir vinnu fór ég upp að Rauðavatni með Sömbu og Skellu mína. Það var allt of langt síðan ég sá Skellu síðast og Sömbu veitir ekki af hreyfingunni. Þess má geta að Samba og Skella fóru báðar í augnskoðun síðustu helgi og stóðust báðar. Það er auðvitað ekki að spyrja að því.. Samba var stilltasti hundurinn á svæðinu.. eins og flestir eru búnir að heira oft og mörgum sinnum.. pabbi er sko alveg með þetta á hreinu. Það hefur aldrei verið til jafn stilltur hundur held ég og þessi dekurprinsessa þeirra!! Við "tíkurnar" eins og einhver orðaði, fórum stóran hring við Rauðavatn í grenjandi rigningu en annars fínu veðri. Ég var auðvitað eins og algjör sveitalúði, í galla og alles.. ég fann ekki svörtu regn/hlífðarbuxurnar mínar og því var ekki annað á dagskrá en að grípa skærgulu 66°N buxurnar mínar. Ég held að ég hefði ekki komið óséð að neinum allavega.. sást from a mile away. Þetta var frábær ferð, tíkurnar skemmtu sér rosalega vel og meira að segja léku sér saman.. eins og Samba hatar Skellu mikið.. þetta var ótrúlegt. Reyndar var þráðurinn stuttur hjá Sömbu og friðurinn var úti þegar Skella sóttist eftir smá knúsi frá mömmu sinni.. það var einum of fyrir Sömbu. Ég elska að fara út að labba með hundana mína í ekkert voðalega skemmtilegu veðri, ef maður er rétt klæddur þá skiptir veðrið engu máli en snilldin við þetta er að maður hittir sjaldnast hræðu. Það eru ekki allir eins og ég sem láta sig hafa það að fara út sama hvernig viðrar. Svona á þetta nefnilega að vera, maður á að geta farið út að ganga með hundana sína í lausagögnu án þess að þurfa að hafa áhyggjur af umferð, öðrum hundum, gangandi vegfarendum eða hestamönnum.. það er rosalega fínt að vera bara aleinn með hundunum í friði.
Skella að kíkja á útsýnið
Samba
Ég gerði eina heiðarlega tilraun til að stilla vinkonunum upp saman fyrir myndatöku.. þær eru nú eiginlega bara eins og dauðadæmdar þarna.. ferlega asnalegar báðar tvær.
Eins gaman og það er að hafa alltaf myndavél með sér þá er ekkert jafn pirrandi og það hvað ég er óánægð með myndavélina mína.. hún er bara ekki að gera sig!! Allt of sein að taka myndir.. lengi að vinna þær, er heilan dag að gera sig tilbúna til að taka næstu mynd.. þetta er bara ferlegt. Ég hafði svo mörg tækifæri til að taka fínar myndir af stelpunum en endaði yfirleitt með hálfann hund eða engann loksins þegar myndavélin varð tilbúin!! ARG! Mér finnst að bankinn hefði átt að slysast til að gefa mér myndavél sem skilur hvað ég vil.. ekki eitthvað dót sem klúðrar öllu fyrir mér :)
Eins og áður kom fram var mjög gaman á spilakvöldinu hjá Karenu.. eins og þessar myndir bera með sér..
Karen með flottustu ryksugu í heimi sem við gáfum henni fyrir að vera komin inn í prógramið á Reykjalundi! Til hamingju Karen AKA Karen Kinky :)
Konni hennar Ásu.. verulega karlmannlegur með einhvern ónefndann bleikan drykk
Karen sá um að enginn þornaði upp.. Mmmm OPAL :)
Hehe.. frekar fyndið.. Konni minn.. afhverju ert þú á eiginlega öllum myndunum mínum frá þessu kvöldi?? Hættu nú þessari athyglissýki drengur!!
Jenný.. þú mátt senda mér myndir frá spilakvöldinu og frá þorrablótinu á manaskal@gmail.com :)
Enn stefni ég á að fara í Mánaskál um helgina. Ég veit ekki enn hvort ég fer ein eða ekki.. ég ætla allavega að fara. Ég hlakka rosalega til að kíkja á tryppin mín.. sem minnir mig á það.. ég þarf að kaupa ormalyf og jafnvel fleira fyrir norðurferðina. Ég vonast líka til að geta tekið Skellu með mér í sveitina, ég veit að við höfum báðar gaman að því :)
Eitt að lokum.. hvernig er það er ekki almenn kurteisi að kvitta í gestabókina??
Jæja þá er enn einni vinnuhelginni lokið.. og einn einn mánudagurinn tekinn við :(
Það er ósköp fátt að frétta hjá mér held ég. Síðasta vika var viðburðalítil, nema að minnið sé að stíða mér :) Á föstudagskvöld hittumst við stelpurnar "með mökum" til að spila og djúsa. Konni hennar Ásu var reyndar sá eini sem mætti af "mökunum" og fær hann prik í kladdann fyrir það. Konni hennar Jennýjar var með strákinn sinn og því löglega afsakaður, Atli var svo að mála bæinn rauðann einhvers staðar. Ég var bara í rólega gírnum og keyrði stelpurnar í bæinn og fór svo heim að sofa. Þetta var bara fínt spilakvöld, ég og Sara systir Karenar og Dagnýjar rústuðum auðvitað þessu spili sem var tekið.. ég sem hélt að það væri verra fyrir okkur að einu 2 edrú manneskjurnar væru dregnar saman í lið. En svona er þetta.. þetta fulla lið er ekki nógu skarpt á móti okkur Söru.. ég held að það sé alveg á hreinu eftir þetta :)
Það stefnir í að þessi vika verði viðburðalítil einnig en næstu helgi verður gerð önnur tilraun til að fara í Mánaskál. Ég ætlaði auðvitað að fara norður þarsíðustu helgi en þá kom stormur.. hvað ætli gerist næst?? Ég kíkti á spána á mbl.. hún er ekkert frábær.. en það er nú bara mánudagur. Ég veit allavega að ég þarf að komast norður til að kíkja á hrossin mín, þetta gengur ekki lengur. Svo er ég farin að bíða eftir því að fá Bytlingu í bæinn til mín. Plássið hennar stendur bara autt þar sem Ótti hefur enn ekki skilað sér í bæinn. Ég sé ekki að hann sé á leiðinni og því kemur hann örugglega ekki alla leið suður, fer örugglega beint að Stokkseyri.
Það eru ýmis járn í eldinum varðandi Byltingu en eitt er víst að ég vil fá hana í bæinn, helst um mánaðarmótin. Núna þarf hún að byrja að vinna fyrir matnum sínum þessi elska.
en jæja.. ég þarf víst að vinna líka.. ég er svo auðvitað með myndir í vélinni minni sem detta inn við tækifæri :)
Jæja ég sveik það að blogga í fyrrakvöld eins og ég ætlaði.. ég hafði alveg ágæta afsökun.. var þreytt :)
en já.. mál málanna.. þorrablót síðustu helgi!
Konni hennar Ásu veiktist á föstudagin síðasta sem var auðvitað tíbískt því loksin var komið að langþráðu þorrablóti á Kirkjubæjarklaustri. Við ætluðum að fara saman 3 frænkurnar og Konnarnir tveir en Ása og Konni heltust úr lestinni á síðustu stundu. Við fórum því bara 3 saman og vorum í ansi rólegum gír. Við vorum ferlega lengi að koma okkur út úr bænum, ég held barasta að ég hafi aldrei farið svona seint af stað áður. En mér var alveg sama, ég var ekki að keyra.. gat bara slakað á :)
Það var ótrúlega kalt þessa helgi, ég man bara varla eftir svona frosti.. brrrr Húsið í Hörgsdal var ótrúlega kalt, vatnslögnin frosin svo húsið var vatnslaus.. og ég hafið engann til að kúra hjá.. brrr
Á laugardeginum var geðveikt veður, kalt, stillt og sól.. bara æði. Atli og aðrir Klausturdrengir fóru á fjöll að leika sér á sleðum, hjólum, jeppum og snjóbrettum. Við Jenný og Konni dunduðum okkur í staðinn í nágreni Klausturs, tókum nokkrar myndir og áttum ágætann dag. Ása og hennar Konni komu svo seinnipartinn austur þar sem drengurinn var búinn að jafna sig á pestinni. Við vorum auðvitað eins og við erum vanar, að fíflast við eldhúsborðið í Hörgsdal þangað til tími var kominn til að taka sig til fyrir blótið.
Það var reyndar bankað upp á hjá okkur um 2 tímum fyrir blót.. stóðið var víst farið upp í heiði! Djö. Hrossin voru sett út til að viðra sig en girðingin við hesthúsið var komin af kaf svo hrossin gátu eiginlega bara farið þangað sem þeim langaði.. og allt í einu datt Brúnku gömlu að taka á rás með alla bjánana á eftir sér! Gamla fór víst með stóðið yfir ristarhlið hjá öðrum sumarbústaðnum og þar yfir girðingu og upp í heiði.. frábært.. og alveg að koma balltími :) Siggi dreif sig á eftir stóðinu á snjósleða og kom öllum niður með ótrúlega lítilli fyrirhöfn. Ég "stóð fyrir". Ég hjálpaði honum svo að koma öllum fyrr inn í húsi og gefa nokkrum rolluskjátum í leiðinni.
Næst var það bara ballgírinn! Atli kom og sótti mig og ég fór í sturtu og svona hjá honum upp á Klaustri. Þegar ég var að taka mig til áttaði ég mig á því að ég gleymdi ballkjólnum í forstofunni í Hörgsdal.. ohh ekta ég.. kannski merki um að sleppa því að fara á ball.. en jæja.. eins og ég hafi einhvern tímann hlustað á svoleiðis. Siggi og stelpurnar komu svo með kjólinn þegar þau komu á Klaustur svo þetta reddaðist nú allt.
Gulla og Gústi voru í skemmtinefnd með m.a. Kristínu og Sigmari. Mér fannst skemmtiatriðin frábært, og það kom mér á óvart hvað ég var ágætlega inní málunum. Fyndnast af öllu fannst mér nú samt að Gulla og Gústi gerðu grín að sjálfum sér líka. Ein auglýsingin hljóðaði svo.. "Tengdadóttir óskast.. verður að vera komin fyrir sauðburð, Gulla og Gústi í Hörgsdal" haha mér fannst þetta ótrúlega fyndið.. og enn fyndnara er nú að Gulla fann einmitt tengdadóttur á ballinu.. sem er tilbúin að koma fyrir sauðburð.. en þá er bara spurning hvað Siggi segir um ráðahaginn. Mér skilst að þessi "tengdasóttir" sé meira að segja meira en lítið spennt og eiginlega bara búin að ráða sig hehe.
Ballið var frábært að mér fannst. Bjórinn var góður og Opal enn betra held ég. Svei mér þá.. ég held að ég hafi aldrei drukkið jafn mikið.. kannski er eitthvað samhengi á milli þess sem ég stækka..og þess sem ég get torgað af áfengi hehe.
.. eða kannski ekki... sunnudagurinn kom með allri sinni dýrð.. vá hvað ég var fáránlega veik. Ég var eins og ég hefði drukkið fullt baðkar af vodka.. oj bara. Ég fæ bara næstum því tár í augun af því að hugsa um þennan dag.. ég man ekki eftir að hafa nokkurn tímann orðið svona veik! Ég ældi fram yfir kvöldmat, hélt engu niðri, gat ekki fundið lykt af mat, með dundrandi hausverk og bara ógeðsleg í einu og öllu. Ég gat ekki einu sinni farið í bæinn með stelpunum! Ég var svo heppin að Ásgeir Páll var ekki á hraðferð í bæinn og fór í seinna fallinu, ég rétt gat druslast með honum suður. Ég veit nú samt ekki afhverju ég er að segja frá þessu þar sem það virðast allir hafa verið búnir að frétta þetta.. allavega fékk ég skot úr mörgum áttum :)
Mánudagurinn var skelfilegur líka, svokallaður "annar í þynnku". Ég mætti þó í vinnuna en ég var hvorki hundur eða köttur.. voðalega dapur starfsmaður :( Þessi dagur var með þeim furðulegri sem ég hef upplifað, það er ótrúlega skrítið að ganga um en finnast maður samt ekki vera til. Það er voðalega erfitt að lýsa þessari tilfinningu.. þeir sem vita hvað ég meina skila mig örugglega.
.. að öðrum málum.. Ótti er enn ekki kominn í bæinn og ég er farin að efast um að hann komi til mín. Ég er farin að hallast að því að hann fari bara beint til Gumma og Sjafnar í uppeldi. Eyjólfur hringdi loks til baka og ég fékk að vita það að hann veit ekki hvenær folöldin verða tekin undan, hann er þó á gjöf og undir daglegu eftirliti. Ég vona bara að þetta sé allt í góðum málum. Ég verð sko ekki kát ef hann er í lélegu holdafari.
Það styttist í að Bylting komi í bæinn en ég stefni á næstu mánaðarmót :) Úff þá kemur í ljós hvað ég er sleip í tamningunum. Ég veit reyndar að ég fæ góða aðstoð þar sem Lilja á nú svolítið í þessari hryssu. Lilja kannast líka við þessa primadonnuætt.. ef hún er óþekk.. þá kemur það auðvitað beint frá hennar hrossum en ekki hvað?
Við Atli ætluðum norður um helgina þar sem þetta er eina helgin í langan tíma þar sem ég kemst þangað. Mér sýnist ekki vera neitt ferðaverður.. en við eigum eftir að ákveða þetta samt.
Í gær var hittingur á Ruby tuesday í tilefni þess að Jenný átti afmæli síðasta laugardag.. þorrablótsdaginn mikla! Pabbi átti líka afmæli þann dag og mamma og pabbi áttu eins árs brúðkaupsafmæli :) Til hamingju m&p :)
Myndirnar eru enn allar í myndavélinni.. lofa að bæta úr því. Ég er með fullt af myndum frá þorrablótinu, svo er ég með myndir af "uppáhaldsmanneskjunniminni" í góðum gír og myndir frá Ruby tuesday í gærkvöldi.
.. en ég verð samt að sýna ykkur eina mynd.. málið er að það skilja ekki allir hvað ég er mikil hundamanneskja.. og hvað hundar eru í mínum augum..
.. sko það eru til fleiri sem eru eins og ég.. þó ég sé sérstök.. þá er ég ekki ein um það.. ég frétti nefnilega að litlum gutta sem átti tveggja ára afmæli og fékk "köku" og alles.. sem væri ekki frásögu færandi.. nema því..
þetta er Tímon afmælisdrengur sem heldur með Man Unt.
Það er líka gaman að segja frá því að ég komst að því að ég er ekki ein um að vera skrítin í annari deild.. í gærkvöldi kom nefnilega í ljós að Konni hennar Jennýjar og Konni hennar Ásu eru alveg eins og ég.. með ofur næmann nafla!! Það má nefnilega ekki koma við naflann á mér og ef einhver slysast til að reka fingur þangað niður þá á sá hinn sami von á hnefa! Strákarnir eru semsagt alveg eins með þetta.. ótrúlega fyndið! Ég sem hélt að ég væri með supernafla. Ég fæ gæsahúð og hárin á hnakkanum rísa ef fólk er að tala um að pota í nafla og eitthvað svona.. oj.. ég bara ræð ekki við mig. Ég held að það hafi eitthvað gerst þegar naflastrengurinn minn var klipptur :) Héðan í frá er þetta semsagt kallað "tripple K syndrome".. Konni, Konni og Kolla hehe
Voðalega er ég ódugleg við að blogga.. en myndirnar eru allavega loksins komnar í tölvuna mína :)
Afmælið hennar Ásu Maríu..
Kúkadansinn lifir tímans tönn.. ekki að sjá að skvísan sé orðin þrítug !
Ég og Elvar Atli að dansa "kúkadansinn" .. gamall siður síðan á Suðureyri "back in the days"
Afmæli Önnu Marínar...
Ég fór í annað þrítugsafmæli á dögunum en hún Anna Marín fyrrverandi slysógella varð þrítug. Hún bauð í party út í sveit á Álftanesi og var vel mætt eins og vanalega. Hún tók á móti gestum og gangandi í plast hjúkkugalla og tók sig vel út.
Árshátíð Icelandair...
Við fórum á árshátíð sl. helgi í Laugardalinn. Þetta er ótrúlega stórt battery og mikið lagt í þetta. Skemmtiatriðin voru svona upp og niður en í heildina var þetta bara fínt. Þegar stefnan var tekin á miðbæinn vandaðist málið þar sem það var kominn bylur og enga leigubíla að fá. Einhverjar hetjur mynduðu röð fyrir utan laugardalshöllina en mér datt sko ekki í hug að standa úti í hríð og skafrenningi á kjól! Þetta endaði svo að bestasta besta frænka mín hún Karen kom og sótti okkur Atla og keyrði okkur heim. Við hættum við að fara í bæinn þar sem það var ekki gott leigubílaútlit fyrir nóttina.
Enn hef ég ekkert frétt af Ótta, þrátt fyrir að hafa reynt að ná í Eyjólf til að fá fréttir. Mér stendur orðið ekki á sama um folann þar sem tíðin hefur alls ekki verið góð. Ég er svo á leið út úr bænum um helgina og þarf því að vita það núna en ekki á morgun eða hinn hvort hann komi í bæinn um helgina! Lilja vinkona er líka að fara út úr bænum svo ég er í vondum málum ef hann skyldi allt í einu koma í bæinn núna.
Það er semstagt tekin stefnan á þorrablót á Klaustri sem er einn af hápunktunum hjá okkur frænkunum. Gulla er búin að raða okkur saman á borð og þetta verður örugglega rosalega gaman. Gulla og Gústi eru í skemmtinefnd sem gerir þetta extra skemmtilegt fyrir okkur stelpurnar. Konnarnir verða með í för.. haha já það er víst enn hægt að hlæja að þessu.. systurnar Ása og Jenný eiga báðar kærasta sem heita Hákon og kallaðir Konni!! Engin smá samkeppni á þessum bæ.. maður verður nú að passa að fá allt eins og systir hehe!
Ég stefni enn á að fara norður næstu helgi þar sem Miami ferð Atla er dottin uppfyrir. Atla datt nú meira að segja dottið í hug að taka með og það er ótrúlega góð tilhugsun í kuldanum hérna heima. En ferðin datt úpp fyrir og það þýðir ekkert að gráta það. Ég er líka ótrúlega spennt að fá að sjá tryppin mín og komast í sveitina.
Jæja.. nóg komið í bili.. fréttir væntanlegar eftir þorrablót :)
Ótti er enn ekki kominn í bæinn og ég hef ekkert heyrt.. alveg ótrúlegt. Ég er farin að halda að hann sé svo flottur að honum verði bara ekki skilað. Það er kannski bara líklegasta skýringin :)
Ég er búin að kaupa mér ógurlega sæta skó fyrir árshátíðina um helgina og svo er auðvitað þorrablót líka helgina þar á eftir. Reyndar er Atli orðinn eitthvað slappur svo kannski verður ekkert farið á árshátíð um helgina. Það gerir þá ekkert til.. það kemur þorrablót eftir það. Ég er að leita að sjali sem passar við kjólinn minn og gengur illa.. svo ef einhver á svart sjal þá vil ég endilega fá það lánað :)
Ég er búin að fá fréttir af tryppunum mínum fyrir norðan. Þau eru komin heim á bæ hjá Signýju og komin á gjöf. Ég er auðvitað voðalega glöð að heyra þetta þar sem ég var komin með óþægindi í magann yfir þeim. Mér heyrðist á Signýju að hún og Magnús hefðu þurft að hafa svolítið fyrir þessu og lent í ævintýrum í leiðinni. Ég vona bara að ég geti hjálpað þeim eitthvað í næsta stríði í staðinn. Mér finnst voðalega gaman að hestastússast en maður hefur bara of sjaldann tíma í það. Þetta á nú vonandi eftir að breytast. Ég stefni á að fara norður aðar helgina í febrúar og hlakka mikið til að kíkja á bangsana mína :)
Mér gengur ekkert að koma myndunum mínum á netið.. ég held að ég verði að fara að kaupa mér nýja tölvu.. þá fara hlutirnir örugglega að gerast. Allt er þetta samt í vinnslu.
Ég var að vinna síðustu helgi sem var ekki frásögufærandi nema að ég flaug á hausinn þegar ég mætti í vinnuna á laugardag. Það var svo mikill snjór og lítið rask bak við hús svo ég vandaði mig að ganga í fótsporunum sem voru þarna fyrir. Einhvern veginn tókst mér að stíga aftan á hælinn á vinstri fæti og fljúga framfyrir mig.. með tilþrifum!! Sem betur fer var fallið ekki hátt og lendingin mjúk. Ég hefði svo viljað sjá þetta gerast þar sem ég datt eins og litlu börnin þegar þau detta.. beint á andlitið! Ég stóð svo upp ógurlega hissa og skömmustuleg og dauðfegin að enginn sá til mín.. nema hvað að ég lít beint framan í Lólý systir. Hún var þarna með Kidda að versla og stóð akkúrat í bakdyrahurðinni og sá snjókallinn koma! Ég var þakin snjó frá tám og upp á haus og handtaskan mín stúfull af snjó! Þetta kennir mér sko að hafa töskuna ekki alltaf opna!
Annars er ég farin að hallast að því að það sé eitthvað orðið að mér. Ég er eitthvað svo mikill klaufi allt í einu. Ég datt í vinnunni síðustu helgi og svo var ég ógurlegur klaufi í innpökkunum, bara eins og hendurnar vildu ekki gera eins og ég bað.. gat varla bundið almennilega slaufu stundum... og til að toppa allt þá hrasaði ég í stiga í vinnunni í gær og var næstum því búin að drepa mig! Án gríns það hefði þurft sjúkrabíl til að skafa mig upp úr gólfinu ef þetta hefði ekki sloppið fyrir horn. Ég var að koma niður úr mat með Svanhildi geyjinu sem fékk algjört taugaáfall þegar ég flaug af stað. Við gengum niður af þriðju hæð og þegar við vorum að leggja af stað niður síðustu hæðina þá rann ég eitthvað til og hentist niður stigann. Sem betur fer náði ég að grípa í handriðið og bjargaði mér fyrir horn en ég fór sko head first niður stigann! Svanhildur fékk taugaáfall en ég hló :) Ég hlít að hafa stigið í bleytu eða eitthvað.. en þetta var alveg kostulegt.. á hælum og alles :)
Ég fékk sendar myndir af Mánaskálar Degi sem fór til Hollands um daginn, er alltaf á leiðinni að skanna þær inn og setja á netið. Sama með Mánaskálar Dögun sem fór til Danmerkur. Svo tók ég sjálf myndir af Dropa sem ég þyrfti að henda inn aftur. Ég þarf endilega að fara að setja þetta inn á hundasíðuna mína sem ég er algjörlega búin að vanrækja www.manaskal.islenskurfjarhundur.com Þetta kemur með tíð og tíma.
Ég er nú örugglega að gleyma einhverju en þetta gerist bara alltaf þegar maður dregur það að blogga.. reyni að vera duglegri :)
Ása María varð þrítug á miðvikudag þann 16. janúar og ég gleymdi að hringja í hana. Einnig átti Aggi bróðir afmæli þann 16. janúar og ekki mundi ég heldur eftir að hringja í hann.. ég er alveg ferleg! Til hamingju með afmælin bæði tvö :)
Enn er ekkert að gerast hjá mér í hestamálum, Ótti er enn fyrir austan svo ég er bara að bíða eftir að hann komi í bæinn. Ég hef ekkert frétt af tryppunum mínum, verð að muna eftir að hringja norður. Ég las á Röðuls-síðunni að holdafar hefði ekki verið mjög gott á þeirra hrossum vegna slæmrar tíðar.. sem þýðir það sama um mín hross geri ég ráð fyrir. Einhverra hluta vegna hef ég á tilfinningunni að Ótti komi í bæinn um helgina.. þar sem ég er að vinna!
Næstu helgi er árshátíð hjá Atla. Ég er að vinna þá helgi líka en ætla að reyna að fá frí svo ég komist með þangað. Svo er auðvitað þorrablótið á Klaustri 2. febrúar og svo er árshátíð Kaupþings 15. mars.. ég hlít að þurfa að kaupa mér nýjann kjól! Reyndar keypti ég rosa sætann kjól í Boston sem ég notaði um jólin.. en það er svo gaman að vera í nýjum kjól :) Ég sé til hvað ég geri í þessu.. ég gæti alveg komist upp með það að fara alltaf í sama kjólnum enda aldrei sama fólkið í kring um mann.. nema Atli.. og hann er karlmaður ;) Ég hugsa að ég kíki samt í búðir við tækifæri. Ég sá æðislegann kjól í Flash á Laugaveginum um daginn.. ég held að ég verði að fara að skoða hann.. allavega að kíkja á verðmiðann :)
Atli var að vinna í nótt sem er frekar glatað, ég þurfti að kúra ein :( Ekki skánaði það þegar ég gat ekki sofið vegna kviðverkja og veltist um og grenjaði vel framyfir miðnætti :( Svo til að toppa allt voru engar verkjatöflur til.. og öll apótek bæjarins lokuð! Ekki nóg með það heldur svaf ég líka mjög illa þarsíðustu nótt og þarf því að hefja vinnuhelgina illa sofin og ómöguleg.. æðislegt!
Djöfull skitu íslendingar á sig á móti Svíum í EM í handbolta í gærkvöldi. Það var eiginlega bara pínlegt að horfa á þetta, seinni hálfleik sérstaklega. Þetta er bara svo spælandi þar sem við getum svo mikið mikið meira. Svo urðum "við" allt í einu lifandi rétt fyrir leikslok.. en þá var það auðvitað allt of seint. Úff ég hef bara ekki taugar í svona! Ég vona að næsti leikur gangi betur :)
Þessi vika hefur liðið frekar hratt, en hún var líka í styttra lagi hjá mér. Ég er að vinna um helgina og hlakka mikið til þegar helginni verður lokið. Ég er ekki alveg í stuði fyrir helgarvinnu núna.
Myndirnar úr afmælinu hennar Ásu eru enn á leiðinni, þær eru reyndar enn í myndavélinni minni en þær koma á endanum :)
Janúarmánuður er hálfnaður.. ég er nú ekki alveg að ná þessu. Þetta ár ætlar að líða enn hraðar en það síðasta held ég.
Ása María vinkona verður þrítug á morgun og hélt upp á það á laugardaginn í góðra vina hópi. Við vorum nokkuð mörg frá Suðureyri sem var svolítið gaman enda fólk sem ég hitti ekki á hverjum degi. Við fórum svo út á lífið og skiluðum okkur heim undir morgun. Ég var með myndavélina með mér og tók eitthvað af myndum. Ég held reyndar að þær hafi verið fáar sem teljast góðar en þó náðist ein ótrúlega ógeðsleg af mér.. og ég ætla að skella henni hingað inn. Það er nefnilega alveg merkilegt hvernig ég myndast stundum.. úffff ég kem mér svo oft í furðulegar stellingar :)
Sunnudagurinn var óttalegur letidagur hjá mér og maður hefði pottþétt getað nýtt tímann í eitthvað nytsamlegt. Svona er þetta bara stundum, svo ótrúlega gott að gera ekkert. Pestin "góða" náði svo í mig á aðfaranótt mánudags sem var ekki skemmtilegt en ég var svo komin í vinnu aftur á þriðjudag enda ekki annað hægt því það stóð til að flytjast búferlum í vinnunni.
Dagurinn í dag var að mestu eðlilegur nema að það var allt í kössum í útibúinu. Á slaginu fjögur var svo mættur hópur manna til að flytja okkur út úr smáranum og upp í Hamraborg. Það tók nánast engann tíma að breyta útibúinu í tóman geim með nokkrum skrifborðum.. hvert einasta snitti horfið út í sendibíl. Við vorum svo framyfir níu að koma okkur fyrir í "nýja-notaða" útibúinu okkar. Ég held reyndar að þetta muni ganga ágætlega en ég vona að smiðirnir hinum megin við vegginn verði ekki mjög hávaðasamir á meðan þeir koma upp nýja húsnæðinu okkar.
Ég var búin að fá þær fréttir að Ótti kæmi í bæinn annað kvöld.. en svo breyttist það.. ég er nú alveg að fá nóg af þessu! Ég hringdi í karlinn sem er með Ótta til að fá að vita hvenær ég mætti eiga von á honum á morgun, svona ca allavega þar sem ég þarf að blikka Lilju til að taka á móti honum ef ég er enn að vinna þegar hann kemur. Nei nei.. þá eru þeir hættir við að gera þetta á morgun.. og það verður sko ekkert í þessari viku heldur.. og þeir munu sko bara koma honum í bæinn sama hvenær það verður og vilja bara hafa það þannig, ég á ekkert að spá í því! Halló.. ég þarf nú að vita eitthvað.. ég vildi fá hann inn fyrir löngu síðan og er alveg búin að fá nóg af þessari bið. Ég þarf nú líka að vera til taks þegar folinn kemur, ég er eiginlega alveg viss um að þeir hringja þegar þeir eru að leggja af stað eða eru hálfnaðir í bæinn til að láta mig taka á móti honum.. og ætli ég sé þá ekki að vinna í blómabúðinni eða eitthvað! óþolandi! Vá hvað ég verð fegin þegar hann verður kominn til mín... og eins gott að ég fái rétta folaldið í hendurnar.. það væri það eina eftir að fá vitlaust folald!
Ég þarf nú að fara að fá fréttir af tryppunum mínum að norðan, ég vil fara að heyra eitthvað af þeim. Ætli ég bjalli ekki í Signýju til að athuga stöðuna. Mér þykir nú verst af öllu að hreinlega komast ekki norður sjálf til að kíkja á þau, ég er að verða hálf taugaveikluð yfir þeim.
Ég er að vinna næstu tvær helgar þar sem ég þurfti að skipta helgum til að geta verið í fríi þegar þorrablótið á Klaustri er. Ohh hvað það er leiðinlegt að vinna svona helgi eftir helgi.. en svo fæ ég reyndar 2 í frí í röð og það verður kærkomið. Verst að það er svo langt þangað til ég kemst norður næst.. febrúar er eitthvað svo langt í burtu :(
Það er ótrúlega mikið að gera í social lífinu, búið að bjóða manni í annað þrítugsafmæli næstu helgi. Anna Marín verður örugglega með skrautlegt party á Álftanesinu ef ég þekki hana rétt. Næstu helgi eru líka 2 Díf sýningar (www.dif.is) sem hefði verið rosalega gaman að fara á. Reynar er aldrei að vita nema að ég reyni að ná fyrri hlutanum af þeim áður en ég mæti í vinnuna í blómabúðina. Á laugardagskvöld er svo hittingur hjá Díf félögum á Players sem mig langar mikið að kíkja á en ég kemst því miður ekki í matinn því ég er auðvitað að vinna. Ég reyni að fara á báða staði hugsa ég en þó líklega í mýflugumynd á báða.
Ég fékk ótrúlega flotta mynd senda af systurdóttur minni í dag.. Ég horfði nú lengi á myndina áður en ég fattaði hvað mamma hennar meinti. Daman var búin að klippa toppinn á sér.. og það líka ekkert smá! Hún var sem betur fer ekki byrjuð að snyrta síða hárið að aftan! Hún er með rosa sítt og flott hár og mamman hafði sko ekki húmor fyrir þessu! Pabbinn skemmti sér þó heldur betur en mig grunar að hann hafi ekki sýnt Lólý mikið hvað honum þótti þetta spaugilegt.
Komið nóg af bloggi í bili.. reyni að henda inn myndum á morgun
Ég kom mér loksins af stað í ræktina aftur eftir jólafríið. Ég er algjör hetja þó ég segi sjálf frá :) Núna er bara að standa við stóru orðin og vera samviskusöm. Það styttist hratt í bikinítíð og þá er eins gott að vera húsum hæfur. Ég mætti semsagt í ræktina í morgun og planið er að mæta á morgnana flesta morgna vikunnar. Ég er alveg búin að sjá að ég nenni þessu ekki þegar ég er búin að vinna.
Það eru komnar 6 vikur síðan ég hætti að reykja!! og gengur enn vel :) .. hvar eru pakkarnir mínir!! :P Ása frænka er enn að standa sig líka eftir því sem ég best veit. Núna er mamma í ferlinu líka og ég ætla nú bara að opinbera það hérna til að setja pressu á kerlu. Hún er líka orðin svona gsm skvísa eftir að ég gaf henni gemsa í jólagjöf. Ég held að ég sleppi nú reyndar að opinbera símanúmerið hennar en fyrir þá sem vita það þá má hringja í hana.. hún þarf að æfa sig :) Hún kom mér reyndar ótrúlega á óvart í tækninni þar sem hún er að nota fítusa sem ég hef ekki nennt að nota. Ég á tæknilegasta símann á markaðnum (ekki einu sinni kominn til íslands!) og ég hringi, svara og sendi sms.. geri ekki mikið meira en það.
Ég á að sækja Ótta austur á laugardaginn og ég er að vona að Kristján hestabílstjóri reddi því fyrir mig þar sem ég á ekki kerru og ekki bíl til að draga kerru heldur. Hann er reyndar ekki svo stór.. ég gæti lagt niður sætin í station og troðið honum í skottið hehe. Lilja er búin að setja hausinn á sér að veði því hún er búin að marglofa Villa (sem ég verð í hesthúsi hjá) að ég sé ekki erfið í umgengni og gefi "yfirleitt" þegar ég á að gefa. Greinilega eins gott að standa sig hehe. Ég hef reyndar engar áhyggjur af þessu, ef einhver þekkir mig þá er það Lilja og ég veit að hún hefði ekki reddað mér plássi nema hún væri viss um að missa ekki hausinn fyrir vikið. Takk Lilja mín... hlakka til að eiga góðar stundir í hesthúsinu :)
Ég er semsagt ekki á leið norður þessa helgi því Atli verður að vinna og fer í skólann. Það er bara allt í lagi, ég get þá tekið á móti Ótta og leikið mér í hesthúsinu. Það rifjaðist t.d. upp fyrir mér að gerðið hjá Villa er frekar stórt og það verður spennandi að koma Ótta inn í húsið eftir að hann fær að fara í gerðið í fyrsta skipti... sjálfboðaliðar óskast! Vá hvað ég er að verða spennt.. úlala.. ótrúlega gaman. Úú.. sem minnir mig á það.. ég þarf kannski að skjótast í dótabúð hestamannsins og kaupa mér lítinn sætann folaldamúl fyrir óskafola þjóðarinnar. Sem er auðvitað bara flottastur og flottastur á litinn líka.. og þið sem haldið að hann sé brúnn skuluð halda ykkar skoðunum út af fyrir ykkur þar sem þetta er svona "nýjufötinkeisarans" dæmi.. það er bara bilað fólk sem sér ekki rétta litinn á honum. Hann er að sjálfsögðu úr skýragulli :
Það eru loksin komnar fréttir af þorrablótinu á Klaustri. Það reyndist ekki vera síðustu helgina í janúar eins og ég hélt heldur helgina þar á eftir sem er að sjálfsögðu vinnuhelgi! ohh.. alltaf jafn heppin ég! En þetta reddaðist, ég gat fengið skipt um helgi og vinn þá síðust 2 helgarnar í janúar í staðinn. Jenný frænka á einmitt afmæli sama dag og þorrablótið er sem hlítur að gera þetta extra skemmtilegt. Pabbi á auðvitað afmæli þá líka og mamma og pabbi eiga eins árs brúðkaupsafmæli líka! Við frænkurnar erum að verða ansi spenntar fyrir þorrablótinu enda er þetta orðin svona hefð. Núna koma reyndar "makar" með.. hehe finnst fyndið að segja þetta.. við erum ekki nógu fullorðnar fyrir svona tal :) svo þetta verður örugglega aðeins öðruvísi en örugglega rosalega gaman samt.
Það er brjálað að gera í vinnunni núna.. úfff. Útibúið mitt er að flytja upp í Hamraborg í næstu viku svo það verður í nógu að snúast hjá okkur að pakka niður og svona. Ég vona bara að þetta verði ekki mjög leiðinlegt.
Það stendur núna "keisari" á bak við mig.. er farin í bólið.. :)
Jæja þá er víst komið árið 2008.. og ekki yngist maður við það!
Andskotans djöfulsins hvað ég hata þessa tölvu!!!!!!!! Ég var búin að gera langt og stórt blogg með fullt af myndum þegar helvítis tölvan klúðraði því!!! ARG!!! Ég sem var búin og ætlaði að fara að sofa!!!! AAARRGGG!!!!!!!!!!!!
Jæja þá.. ég geri þá aðra tilraun.. með hangandi haus og meira til!!!
Eins og áður kom fram þá fór Atli austur á annan í jólum en ég var að vinna milli jóla og nýárs. Ég var í fríí helgina fyrir áramótin og ákveðið var að fara austur og eyða áramótunum á Klaustri. Ég ætlaði að fá far austur á sunnudag en var mikið að spá í að skella mér bara á laugardegi þar sem ég var í fríí og hafði í sjálfu sér ekkert að gera. Það spáði stormi á landiu öllu aðfaranótt sunnudags og allan sunnudaginn svo ég ákvað að drífa mig bara af stað austur um kvöldmatarleyti á laugadag. Ég hefði nú frekar farið fyrr um daginn því veðrið náði í rassinn á mér undir eyjafjöllunum og það var sko ekki skemmtilegt. Ég sótti fyrst á Selfoss flugeldasýninguna fyrir jörgunarsveitina Kyndil á Kirkjubæjarklaustri en hún gleymdist víst. Ég lagði því af stað í brjálæðið með fullan bíl af flugeldum! Veðrið fór að versna við Landeyjarnar og snarversnaði þegar ég kom undir eyjafjöllin. Það ringdi ofan í svellið og ég hélt að sumar vindhviðurnar myndu koma mér af veginum. Ég keyrði auðvitað hægt þar sem ég réð ekkert við bílinn. Ég var ótrúlega þakklát fyrir glænýju vetrardekkin mín en dauðsá eftir því að hafa ekki fengið mér nagladekk sem ég ætlaði að gera þar til ég var töluð ofan af því. Þetta kennir mér bara að gera það sem ég ætla að gera, ekki það sem aðrir vilja að ég geri. Á einhvern ótrúlegann hátt komst ég alla leið á Klaustur, dauðfegin að vera á lífi.. og rosa ánægð að vera komin í sveitina.
Það var skítaveður á öllu landinu á sunnudeginum og því miður var Klaustur ekki undanskilið. Reyndar var örugglega skárra verður hjá okkur en hjá flestum öðrum.. enda er hvergi betra að vera en á Klaustri. Það var því frekar fátt gert þennan dag enda varla verandi úti fyrir roki og rigningu.
Gamlársdagur var frekar rólegur líka, fórum aðeins í heimsókn til Gulla í Fagurhlíð og ég fór svo í heimsókn í Hörgsdal. Það er búið að taka hestana á hús í Hörgsdal og ég varð auðvitað að kíkja á þá. Vá hvað ég verð að fara að taka inn hross og fara að gera eitthvað.. hlakka rosalega til!
Gamlárskvöld var ósköp notalegt. Við vorum í Jónshúsi með foreldrum Atla og Sissa og foreldrum hans. Þetta var allt eins og það á að vera, góður matur, brenna og áramótaskaup. Þegar skaupið var búið fóru strákarnir upp í fjall til að breyta skiltinu. Í brekkunni fyrir ofan þorpið er ljósaskilti með ártalinu. Þessu er alltaf breytt á miðnætti með öllu tilheyrandi. Ég held að Atli og pabbi hans hafi byrjað á þessu og sjái alfarið um þetta. Þetta hefur allavega verið í mörg ár og er voðalega skemmtilegt að sjá þetta.
fyrir miðnætti.. enn 2007
2008
Strákarnir komu svo niður og byrjuðu að sprengja frá sér allt vit. Þeir voru með ótrúlegt magn af flugeldum og svei mér þá held ég að þeir hafi keypt upp lagerinn hjá björgunarsveitinni. Ég fékk meira að segja flugelda frá björgunarsveitinni fyrir það að hafa komið með flugeldasýninguna með mér austur. Ég á alla mína flugelda ennþá.. svo endilega bjóðið mér í party :P
Atli byrjaður að skjóta upp
Nýársdagur var ekkert rosalega góður fyrir mig þar sem þynnkupúkinn heimsótti mig hressilega í morgunsárið. Ég man ekki hvenær ég varð síðast svona veik. Ég þarf eitthvað að endurskoða hvítvínið, kampavínið og bjórinn á sama kvöldinu.. nú eða magnið.. eitthvað er það. Þegar höfuðverkurinn loksins hvarf gat ég farið að taka dótið mitt saman og koma okkur af stað í bæinn. Ferðin heim var svo rosalega skemmtileg :)
Ég er að vinna í blómabúðinni núna um helgina og svo var planið að fara norður í Mánaskál næstu helgi. Það gæti farið á annan veg þar sem ég náði loksins í þann sem keypti Dimmu og er þar af leiðandi með Ótta minn. Ég er búin að reyna að ná í hann í marga daga og náði loksins í skottið á honum í dag og komst að því að ég verð að sækja hann austur á laugardaginn.. akkúrat þegar ég ætlaði að vera í Mánaskál. Það hefði verið fínt að vita þetta með góðum fyrirvara! Ég er búin að hringja í Kristján hestabílstjóra og er að vona að hann geti flutt Ótta í bæinn fyrir mig næstu helgi og einhver tekið á móti honum svo að ég geti farið norður eins og stóð til.
Lilja er búin að redda mér plássi hjá Villa í Gusti. Til að byrja með verð ég með Ótta hjá honum en ég sendi hann svo austur til Gumma fer að þrengjast í húsinu. Þá er kominn tími til að taka fröken Byltingu í bæinn og byrja að temja hana. Það er of mikið að hafa Byltingu í bænum heilan vetur þar sem hún er bara á 4. vetur svo það hentar vel að nýta plássið svona fyrir þau bæði. Ég hefði helst viljað vera í Heimsenda en ég tími bara ekki að borga fyrir heilt pláss fyrir Byltingu en nota það svo bara hálfan veturinn.
Ég veit að það verða fullt af fínum hrossum í húsinu og þar á meðal er hann Glámur frá Hofsósi.. það verður nú freistandi að "missa" Byltingu út í gerði til hans í vor því Glámur er enn með kúlurnar góðu.
Glámur á ísnum
Ég er örugglega að gleyma einhverju sem var búið að koma fram í upprunalega blogginu.. en svona er þetta bara.. þegar maður tínir heilu bloggi þá fer allur andi úr manni!
