Bylting er 7 vetra jarpskjótt, tvístjörnótt klárhryssa sem er auk þess líklega beri fyrir slettuskjóttu. Hún er tamin í um 4 mánuði og hefur ágætan fótaburð og gott ganglag. Bylting brokkar undir sjálfri sér en töltið galopið og kaus hún að tölta undir knapa en brokkaði þó líka. Bylting er tilvalin hryssa í folaldseign. Hún átti sitt fyrsta folald nú í vor, myndarlegan og gang góðan móálótt skjóttan hest. Sá tölti eingöngu til að byrja með en sýnir nú bæði tölt og brokk með fínum fótaburði. Bylting er sónuð með fyli við 1. verðlauna hestinum Álfgrími frá Gullberastöðum sem er undan Álfi frá Selfossi og Eir frá Gullberastöðum (1. verðl.) sem er dóttir Pilts frá Sperðli. Álfgrímur er með 8.30 fyrir byggingu, 8.00 fyrir hæfileika og þar með 8.12 í aðaleinkunn. Álfgrímur er m.a. með 9.0 fyrir bak og lend, fótagerð, prúðleika og tölt, Álfgrímur er einnig skjóttur svo það eru miklar líkur á skjóttu folaldi vorið 2012 og möguleiki á arhreinu skjóttu auk þess að folaldið beri slettuskjótta genið.