Ég held að haustið sé bara mætt til mín í Laxárdalinn. Allavega eru fjöllin grá dag eftir dag, rigningar og rok.. já ég held að ég geti sagt að haustið sé komið. Atli hefur verið að heiman, og það er ekki að spyrja að því.. alltaf er hann þar sem veðrið er töluvert betra. Við Þórdís erfum það nú ekki við hann lengi þar sem það verður nú gott að fá kallinn heim.

Þórdís Katla er búin að vera lasin en þetta byrjaði í síðustu viku þegar hún fékk einhverja flensu, hún varð eiginlega aldrei alveg góð og var svo komin með eyrnabólgu um helgina. Hún er þó orðin spræk núna og er farin að fara aftur í leikskólann. Í dag var leikskólinn reyndar lokaður eftir hádegi og þá voru góð ráð dýr! Ég er búin að vera með móral yfir því að þurfa að vera fjarverandi frá vinnunni á meðan Þórdís Katla var lasin þar sem þetta þurfti akkúrat að hitta á sama tíma og Atli var að heiman. Svo þegar leikskólinn var með lokað í dag var ég orðin í klípu. Eftir nokkur símtöl og tilraunir til að redda deginum þá bjargaðist þetta í dag. Ein sem vinnur með mér er nefnilega amma bestu vinkonu hennar Þórdísar í leikskólanum og því var bara reddað að Þórdís Katla fékk að fara heim með Birgittu vinkonu sinni og leika við hana Þegar ég sótti Þórdísi eftir vinnu þá vildi hún auðvitað ekkert smá mömmu sína og vildi bara vera áfram hjá Birgittu. Eftir miklar fortölur var ljóst að þessi slagur yrði ekki unninn og var barnið því borið út argandi hehe. Það var greinilega rosalega gaman að hjá Birgittu    Þessar stelpurófur fá nú alveg örugglega að leika sér eitthvað meira saman síðar.

Við Þórdís Katla erum á leið suður á morgun til að sækja Atla. Við munum nú nýta ferðina í eitthvað skemmtilegt og gagnlegt og förum þar á meðal í smá hestaleiðangur í Grímsnesið. Týri kemur að sjálfsögðu með og fær eflaust að hitta einhverja fjölskyldumeðlimi. Týri hittir reyndar ekki Sömbu fjárhund í þessari ferð því mamma og pabbi verða ekki heima.. en í staðinn þá getur hann legið í bælinu hennar, étið nagbeinin og leikið með dótið hennar.. allt án þess að hún geti neitt við því gert! Greyjið Samban mín.

Af hestamálum er það helst að frétta að við erum búin að selja Byltingu. Hún er á leið til Þýskalands þessi dama og ætlar að eiga folaldið sitt á þýskri grund í vor. Ég sem var akkúrat farin að monta mig yfir "stóðinu" mínu sem var farið að stækka. En ég efast ekki um að ég verði fljót að fylla í skarðið og fá mér eitthvað annað í staðinn! Nú styttist líka í að Eðall litli fari til síns heima, rosalega líður tíminn hratt. Hann er ferlega sætur og forvitinn þessi kappi og ég efast ekki um að eigandinn verði ánægð með hann. Ég fór út í dag og tók myndir af Byltingu og hinum hrossunum en ég get ekki sett neinar myndir inn fyrr en Atli er kominn til baka með fartölvuna okkar.

Ég fór líka í smá leiðangur í dag á Neðri Mýrar en ég myndaði folöldin hans Einars. Hann fékk í ár nokkur fallega skjótt folöld undan Álfasteinssyninum Gimsteini frá Garðsá. Ég mun hjálpa honum að auglýsa þau á næstu dögum. Myndir koma eftir helgina!

Hestamannafélagið á Blönduósi er að auglýsa knapamerkin sem ég er búin að bíða eftir í 3 ár að geta tekið! Ég er búin að skrá mig til leiks og viti menn.. ég skráði Atla líka!   Núna fær strákurinn bara eitthvað gott undir hnakkinn og er sendur á reiðnámskeið takk fyrir. Mér finnst eiginlega verst að hvert námskeið sé kennt allan veturinn. Ég hefði nefnilega viljað ná tveimur námskeiðum á einum vetri. Fyrir mig hefði verið betra að taka þetta hraðar og koma tveimur námskeiðum að. Ég er auðvitað búin að vera að bíða í 3 ár eftir að geta komist af stað aftur og núna á sko að gera allan heiminn! hehe

Síðustu helgi skellti ég mér í næstu sýslu í stóðréttir og á ball. Ég var að fara í fyrsta skipti í réttirnar í Víðidalnum og það var bara ansi gaman. Ég sá mikið af myndarlegum hrossum en ég heillaðist þó mest að tveimur folöldum frá Stórhóli en það var fyrst og fremst liturinn sem greip mig. Annað var rautt með hring í báðum augum, leit hálf geðveikislega út! og hitt brúnt með stórt vagl í báðum augum og smá leist. Mér finnst þessi augu alveg meiriháttar
Ása María mætti á sitt annað stóðréttarball þetta árið og geri aðrir "ekki-hestamenn" betur! Við Elsa og Ása kíktum í smá party á þarnæsta bæ eða eitthvað þannig og þaðan var svo farið á ball í Víðihlíð. Geirmundur lék fyrir dansi og ég verð nú alveg að segja að hann hefur nú einhvern tímann mátt sjá fífil sinn fegurri. Ég held að ég mæli nú með því að forsvarsmenn réttarballsins skoði það að yngja upp skemmtikraftana. Hann var auðvitað alveg ágætur og jafnvel góður inn á milli en heilt ball af þessu var eiginlega aðeins og fannst mér. Svo er ekki að spyrja að því að á sunnudegi var ég bara hress og spræk og fór snemma heim að taka við barninu mínu sem fékk ömmu Sveinbjörgu og afa Gunna í heimsókn til að leika við sig heila helgi! Ekkert smá heppin.

Þetta blogg er alveg myndalaust en ég bæti úr því fljótlega eftir helgina en þá get ég farið að tæma myndavélina mína. Nýtt blogg kemur von bráðar

Núna hef ég tíðindi! Haldið þið að það sé ekki kominn hundur á heimilið. Núna er sko gaman hjá minni J Ég keyrði Atla suður á laugardaginn og sótti mér eitt stykki hund á bakaleiðinni. Þetta er enginn annar en Leiru Þórshamar Týri, gamall vinur okkar Skellu. Hann er orðinn 10 ára og sárvantaði heimili og mig "sárvantaði" hund. Týri lætur eins og heima hjá sér og virðist kunna vel við sig hérna. Mig minnir nú að hann hafi komið með mér hingað norður fyrir nokkrum árum en hann man nú varla eftir því.  Ég skellti mér í reiðtúr í gær og tók Týra með sem hafði bara gaman af því. Hann var stilltur og hlýddi vel. Eftir reiðtúrinn var hann látinn þorna niðri eins og alvöru sveitahundi sæmir áður en hann fékk að koma upp að skoða slotið. Týri svaf eins og engill i nótt, ekkert væl eða vesen á honum svo ég held að honum líði bara ágætlega hérna hjá okkur.  Svo finnst honum gott að borða og mér leiðist ekki að gefa matgæðingum að borða en ég lofa að passa mig. Hann er nefnilega nánast hringlóttur nú þegar J

Týri var svo einn heima í dag á meðan við Þórdís vorum í vinnu og leikskóla. Hann var því eðlilega mjög ánægður að sjá okkur þegar við komum heim. Þar sem Týri var búinn að vera einn allan daginn drifum við okkur út í girðingavinnu svo Týri gæti notið sín úti.  Svo stendur til að færa skjóttu hryssurnar í grasmeiri girðingu á morgun fyrst ég er búin að tjasla saman girðingunni J Það eru næg verkefni hjá okkur Þórdísi og Týra um þessar mundir. Týri þyrfti bara að geta passað Þórdísi fyrir mig á meðan ég ríð út, þá væri þetta fullkomið.

Þórdís Katla fékk far í hjólbörunum


Þórdís vildi líka vera á myndinni!

Í dag var fyrsti vinnudagurinn þar sem ég var alein í nýja starfinu en nágrannakona mín frá Sturluhóli var að koma mér inn í ýmis mál áður en hún hverfur af landsfjórðunginum. Ég er mjög spennt fyrir vinnunni minni og hlakka til að takast á við þetta. Semsagt ef ég var ekki búin að minnast á þetta áður þá fékk ég semsagt áframhaldandi vinnu hjá Greiðslustofu á Skagaströnd og fékk ný og krefjandi verkefni.

Svo styttist bara í réttir og göngur.. ég er farin að telja niður dagana í stóðréttirnar en ég er búin að vera að bíða eftir þeim síðan á mánudegi eftir stóðréttirnar í fyrra! Mæli sko með þessari ferð fyrir alla sem hafa gaman af því að ríða út

Við Atli skelltum okkur á landsmót hestamanna síðustu helgi og skemmtum okkur konunglega. Gamli kamper klikkar ekki og það fór vel um okkur á tjaldstæðinu. Við vorum í góðra vina hópi og er ég sérstaklega ánægð með að hafa afrekað það að draga Elsu mina með á landsmót! Maður fer sko ekki að sleppa svona viðburður, bara nauðsynlegt að mæta og láta sjá sig og sjá aðra. Veðrið lék við okkur yfir helgina þó svo að það hafi ringt eitthvað aðeins, það er bara ekki hægt að kvarta, þetta var frábært! Það er svo æðislegt að sjá þessu flottu hross og hæfileikaríku knapa á landsmóti. Maður half skammast sín þegar maður sér barnaflokkinn þó við ræðum ekki um hina! Ekkert smá duglegir og vel ríðandi krakkar þarna á ferð á fyrstu verðlauna hrossum og yfirburða keppnisgæðingum. Ég tók örfáar myndir á LM og þær voru flestar úr barnaflokki, ég var alveg heilluð af þessum duglegu krökkum! Það er alveg ljóst að maður þarf að fara að leggja fyrir ef maður ætlar að eiga svona góð hross undir börnin sín.

Brattur Birtusonur braggast vel og það er bara ferlega gaman að hafa hann hérna heima við. Hann er farinn að þiggja klapp og knús og mér leiðist það sko ekki!! .. bara yndislegt að fara út í girðingu og kljást við hann.

Fleiri myndir í myndaalbumi

Ég var að ráða mig í vinnu og mætti bara daginn eftir galvösk í fyrsta vinnudaginn. Ég er farin að vinna hjá svæðisskrifstofu vinnumálastofnunar á Skagaströnd og aldrei að vita nema mér standi til boða áframhaldandi vinna þar eftir sumarið, svona ef við verðum ekki farin á vit ævintýra. Það var frekar sérstök tilfinning að fara á fætur í morgun (fyrir allar aldir að mér fannst!) og mæta í vinnu!.. jahá.. núna leið mér eins og ég væri í alvörunni flutt í sveitina því ég var á leiðinni í vinnu!

Greyjið ég sem að þurfa að vinna heilan vinnudag kom svo bara heim og sofnaði hehe.. maður er greinilega orðinn frekar góðu vanur þessa dagana! Ég reif mig svo af stað og fór í reiðtúr í blíðunni og naut þess í botn. Ég er nefnilega að "þjálfa" fyrir hestaferðinar sem við Elsa ætlum í núna í sumar.. svona ef hún drífur sig einhvern tímann í sumarfrí stelpan! Allavega er ég búin að frátaka aðra helgina í ágúst en þá er kvennaferð í Víðidalnum og við Elsa ætlum að mæta og mála þúfurnar rauðar (segir maður annars ekki þannig í sveitinni).

Samba "fjár"hundur er í pössun hjá okkur á meðan mamma og pabbi eru að húsbílast. Ég get nú ekki sagt að það sé mikið gagn af þessum hundi.. hún gat ekki einu sinni rekið rolluna í burtu sem labbaði yfir hlaðið fyrir framan nefið  á henni hehe. Skella mín hefði nú ekki látið bjóða sér það án þess að láta í sér heyra. Samba er líka óttarlega hrædd við hrossin en hún hefur svosum ástæðu til því Birta og Vaka eru búnar að gera fleiri en eina tilraun til að drepa hana síðustu daga.. vúps! Samba kann sem betur fer að hlaupa og lætur sig hafa það að hlaupa ofan í skurð ef það er það sem þarf hehe

Þórdís Katla hefur það gott eins og sveitaprinsessum sæmir. Hún er að verða bleyjulaus, þetta er svona allt í áttina allavega.. þó að ég geti ekki alveg sagt að hún sé orðin húshrein. Allavega fann ég stykki í sjónvarpsherberginu sem ég er nokkuð viss um að kom ekki úr hundinum!! Hún er nefnilega úrræða góð hún Þórdís Katla, hún hefur væntanlega gert nr. 2 í buxurnar.. og svo bara sturtað úr þeim og haldið áfram að horfa á Dóru sína.. smekklegt! Það verður opinn gæsluvöllur á Skagaströnd núna í nokkrar vikur og ég ætla að leyfa henni að fara þangað í nokkra daga og leika sér við önnur börn. Ég hugsa að það verði kærkomi þó svo að hún unni sér ótrúlega vel með okkur Atla í okkar daglega lífi. Hún er svo frábær þessi stelpa, við getum ekki sagt að við þurfum að hafa mikið fyrir henni. Þar sem það er að ganga erfiðlega að fá hana til að gera nr. 2 í salernið hefur ýmislegt verið reynt.. s.s. bíósýning á Dóru á kamrinum!

Skyggnir minn Byltingarsonur hefur verið endurnefndur og fær nafnið Eðall og er seldur. Ég er svo með á sölusíðunni myndarlegann gelding sem fæst í skiptum fyrir hryssu, má vera ung eða gömul. Endilega hafa samband ef þið hafið eitthvað í skiptum eða vitið um einhvern sem gæti mögulega haft eitthvað.

Fleiri myndir áttu að fylgja blogginu en netið er frekar hægt svo þetta gengur hægt fyrir sig. Restin af myndunum skilar sér inn á morgun en annars eru þær allar að detta inn í myndaalbumið núna. 

Góðar stundir kæru vinir

Við erum í netleysi ennþá hérna fyrir norðan og getum ekki sagt að við séum mjög ánægð með þjónustu Símans.. þetta er nú meira þjónustufyrirtækið hnuss! Innanríkisráðuneytið greiðir fyrir allan þann búnað sem þeir þurfa að setja upp hjá okkur til að við getum haft netaðgang.. þeir þurfa bara að koma hingað og setja þetta upp en það virðist ekki vera áhugi fyrir því að selja þennan búnað, þó að þeir fái þetta allt greitt í topp. Aular segi ég nú bara. Við komumst rétt svo örlítið á netið í símanum hans Atla þegar hann liggur úti í glugga en það svona rétt dugar til þess að opna póstinn sinn.

Það er aðeins að hlýna hérna þó það teljist kannski ekki endilega hlýtt. Við erum þó búin að sjá 10 gráður á mælinum oftar en einu sinni núna síðustu daga sem telst gott miðað við alla hina dagana í júní! Í þar síðustu viku snjóaði nú bara á okkur og hér varð allt grátt.. ég var fegin að vera ekki komin með folöld þá! Þetta var bara grátlegt. Sumarið hlítur þó að koma á endanum svo við bíðum bara spent 

Við erum búin að fá nokkra gesti til okkar síðustu daga. Kristjana skólavinkona kom ásamt nýja kærastanum í heimsókn í síðustu viku en hún og Stebbi voru á ferðalagi á leið til Neskaupsstaðar þar sem hann býr. Þau stoppa vonandi lengur næst en ég held að þau séu alveg svona "úti" fólk sem hefur gaman af því að gralla eitthvað í sveitinni.

Ylfa og Konni komu við hjá okkur á heimleið frá Akureyri með Örvar Þór og Stefaníu systir Ylfu. Það var rosalega gaman að fá þau í heimsókn því þau búa í Landeyjunum svo fjarlægðin er frekar mikil á milli okkar. Drungi minn var tekinn undir hnakkinn þar sem það er engin miskunn hjá henni Ylfu. Ég var ekkert farin að fara á bak ennþá því það hafði ekki verið neitt veður í það og hnakkurinn minn auk þess í viðgerð fyrir sunnan. Ylfu fannst hnakkleysið nú bara ekkert mál og bað bara um beisli og hjálm, hún þurfti ekki meira. Við lánuðum henni þó samt gamla hnakkinn hans afa sem var kannski aðeins skárra en enginn hnakkur.. eða hvað? Ylfa fór allavega af stað og reið nokkrar montferðir hér eftir veginum en endaði svo á því að rífa hnakkinn af klárnum og ríða honum berbakt frekar. Semsagt.. mig vantar fleiri hnakka!

Örvar Þór var alveg með þetta á hreinu.. fjórhjól er meira spennandi en hestar!

Ylfa lagði á Drunga

.. og gafst upp á hnakkinum og reið berbakt frekar

Berglind Anna frænka mín og fjölskyldan hennar komu svo í helgarheimsókn síðustu helgi og ég held að það hafi allir skemmt sér vel. Viktoría og Þórdís Katla voru mjög duglegar að leika sér saman bæði úti og inni. Trampólínið sem tengdó gáfu Þórdísi hefur sko komið að góðum notum og verið mjög vinsælt undanfarna daga. Við Berglind vorum að hestast saman og fórum á bak bæði á laugardag og svo góðan túr á sunnudag. Hnakkurinn minn er kominn úr viðgerð og svo notaði ég gamla hnakkinn líka með misgóðum árangri hehe.. það er bara ekki hægt að ríða í hnakk með engum hnépúðum, allavega kann ég við það! Ég reið Drunga en lánaði Berglindi Flugu sem er ný hryssa hjá okkur. Þeim samdi vel og Fluga stóð sig eins og hetja. Við teymdum líka undir krökkunum á Flugu sem var mjög vinsælt hjá smáfólkinu. Þórdís Katla ljómaði eins og sól í heiði þegar ég teymdi undir henni. Vonandi verður hún hestasjúk eins og mamma sín.

Frænkur að teyma Flugu

Elsa vinkona kom í heimsókn á föstudaginn ásamt Svölu og "stjúpa". Við kíktum á hrossin og viti menn, það voru komnir dropar á spenana á Byltingu.. loksins!! Ég var búin að bíða eftir folaldi síðan um mánaðarmótin, semsagt í 17 daga og fannst það heldur mikið af því góða! Þetta passaði allt saman, því Berglind frænka var á leiðinni og var búin að panta að sjá folald. Elsa og co fóru heim með gömlu sláttuvélina okkar og ætla að nota hana í Víðidalnum í sumar, það var bara flott, semsagt einu færra fyrir okkur að henda hér í sveitinni. Við fengum nefnilega nýja sláttuvél síðasta sumar svo sú gamla var orðin verkefnalaus.

Ég fylgdist með Byltingu fram á kvöld og tók ákvörðun um að vaka aðeins eftir henni, það var stutt í köstun.  Við horfðum svo á Byltingu út um gluggann og sáum þegar hún lagðist og byrjaði að rembast. Við Berglind Anna drifum okkur í vetrarfötin (veitti sko ekki af) og út á hól til að fylgjast með. Ég hefði aldrei trúað því að köstun tæki jafn langann tíma og raun bar vitni. Mér var alveg hætt að standa á sama og Atli var kominn út því honum stóð ekki á sama heldur, hann fór svo inn til að hringja í dýralækni því okkur leist ekki á blikuna. Ég var orðin handviss um að folaldið væri orðið dautt  því hún virtist bara ekki ætla að koma því frá sér. Loksins hafðist þetta þó hjá henni og álótt skjótt folald leit dagsins ljós og sem betur fer lifandi. Við sátum svo úti í skítakulda að fylgjast með folaldinu brölta á fætur og finna spenann, það er fátt sætara en nýkarað folald held ég. Ég var alveg viss um að þarna væri lítil hryssa því aldrei sá ég neitt dinglum dangl undir því á bröltinu en það var ekki svo gott þegar ég lyfti upp taglinu. Hestur var það heillin. Hann er nú samt alveg ógurlega sætur og mjúkur og ég hlakka til að fylgjast með honum stækka.

Ég er ekki alveg viss hvort hann er móálóttur eða bleikálóttur, í gær hallaðist ég að móálóttu en í dag að bleikálóttu.. hann er allavega álóttur :)

svo sætur

Bylting á að fara undir hest aftur en svo var bara óvænt fullbókað undir hestinn sem ég ætlaði að nota. Ég þarf því að finna einhvern annan hest til að nota, helst ekki bara brúnan og draumurinn er að setja hana undir hest sem er beri fyrir slettuskjóttu. Ég er alvarlega að spá í Glám "mínum" en finnst hann leiðinlega langt frá mér en þó er aldrei að vita hvað ég geri. Núna er hún allavega köstuð svo ég þarf að fara að ákveða þetta. Birtu verðu ekki haldið í ár, ég ætla að senda hana í smá endurmenntun til Ylfu og Konna í vetur og Vaka og Drungi verða svo tekin á hús, þe. ef ég finn eitthvað pláss hérna. Hugsýn er svo farin undir Abraham frá Lundum II, ég krossa fingur og vonast til að hún haldi og kasti brúnskjóttri hryssu því Atla finnst það flottasti liturinn 

Hugsýn 18. vetra

Í síðustu viku komu hingað tvær nýjar hryssur en þær voru í húsinu hjá honum Tryggva vinnufélaga. Eigandinn var að hætta í hestamennskunni og ég fékk að eiga þessar heldri dömur. Ég prufaði þær báðar í bænum og leist bara vel á þær, traustar en viljugar og veraldarvanar. Ég er því mjög spent fyrir því að komast í einhverja hestaferð í sumar fyrst ég er orðin með 3 reiðhross, svo get ég núna líka boðið gestum á hestbak sem er frábært.

Þórdís Katla á Flugu

Við vorum aðeins í girðingavinnu í síðustu viku en girðingin á Gerðinu við veiðihúsið var orðin ansi ljót eftir veturinn.  Atli er búinn að setja niður alla staurana og strengja gaddavírinn en svo á bara eftir að hengja netið á. Þá ætti sú túngirðing að halda fé. Okkar bíður svo einhver girðingavinna í viðbót.

Atli er alltaf í einhverjum verkefnum. Hann er búinn að gera stýflu fyrir ofan bæinn til að mynda smá lón fyrir heimarafstöðina. Hann er líka búinn að vera að dunda í rafstöðvarhúsinu og núna þessa dagana er hann að laga pallinn á pick-upinum svo hann verði í standi fyrir Landsmót. Við stefnum allavega á að fara þangað. Þórdís unnir sér vel í sveitinni og það er bara ekki eins leiðinlegt og einhæft að vera með foreldrum sínum alla daga eins og ég hélt. Við skemmtum okkur allavega vel saman hérna.

á leiðinni upp í stýflugerð

Núna bíðum við spennt eftir hinum folöldunum en enn er allt með kyrrum kjörum hjá Birtu og Vöku, þó getur ekki verið langt í þær

Annars er bara allt ljómandi að frétta úr sveitinni.. blogga vonandi fljótlega aftur!

Ég ætlaði ekki að blogga fyrr en eftir prófin en þar sem ég er orðin sprungin á próflestrinum ákvað ég að nota pásuna í að skrifa inn smá fréttir. Það er orðið svo langt síðan ég skrifaði fréttir síðast svo það getur vel verið að ég gleymi einhverju.

Við erum á fullu að undirbúa búferlaflutninga en fyrir þá sem ekki vissu þá erum við að flytja norður í Mánskál   Ég hlakka mjög mikið til og get ekki beðið eftir að klára skólann svo við getum drifið okkur af stað. Við flytjum í síðasta lagi 1. júní og væntanlega verðum við farin norður aðeins fyrr en það.

Atli er búinn að vera duglegur undanfarið í framkvæmdum, bæði hér heima í bílskúrnum og svo fyrir norðan. Allir nýju gluggarnir eru komnir í húsið og búið að smíða í kring um þá innan frá.  Hann er þessa stundina í Mánaskál með Þórdísi  Kötlu og foreldrum sínum. Sveinbjörg og Gunnar eru svo dugleg að hjálpa okkur fyrir norðan, þau voru til dæmis ein þar alla páskana í púl vinnu. Verið er að gera íbúðarhæf herbergin á neðri hæðinni og eyddu þau páskunum í að steypa gólf, klæða loft og fleira. Þau eru svo öll núna í þessu og vonandi komast þau sem lengst. Ég hlakka orðið mjög til að komast norður að sjá hvernig þetta lítur orðið út

Ég á orðið töluvert af óbirtum myndum á vélinni minni en Atli er með myndavélina með sér fyrir norðan svo ég get ekki skellt þeim inn núna. Atli fékk nefnilega það hlutverk að mynda hryssurnar mínar í bak og fyrir, svona bumbumyndir, svo ég geti metið það hvort það sé folald í þeim öllum. Ég hef nefnilega haft áhyggjur af því að Hugsýn hafi látið því mér hefur þótt hún það mikið nettari en hinar hryssurnar en ég bíð spennt eftir myndunum sem Atli tekur fyrir mig

Af hestafréttum er annars helst að Drungi er enn að gera garðinn frægann í Landeyjunum. Ylfa og Konni eru alltaf jafn ánægð með hann og Örvar litli líka en Ylfa reiðir hann fyrir framan sig á Drunga. Ég er að verða rosa spennt fyrir því að fá hann afhentann og geta farið að ríða út sjálf! Ó já eftir þrjá hestlausa vetur er minn tími kominn! Ég fór með Elsu vinkonu og Svölu austur í heimsókn fyrir stuttu síðan.. tja.. væntanlega eru orðnir 2 mánuðir síðan!! þetta er nú bara ekki hægt! og ég tók þar eh myndir af Drunga sem eru löngu komnar inn í myndaalbumið en ég ætla að pósta nokkrum inn hér samt sem áður.






og svo ein af mér í lokin þar sem það eru yfirleitt ekki til myndir af mér á baki.. ég er alltaf á bak við myndavélina

Það styttist í folöldin mín   og ég get ekki beðið! Ef þær eru allar fylfullar og ganga allar jafn langt með á ætti Bylting að ríða á vaðið í byrjun júní svo Hugsýn, Birta og Vaka síðust. Væntanlega eru þær að kasta frá 1. til 15. júní þessar elskur. Svo er bara að sjá hvað maður fær!! Spennó spennó. Ég er svo búin að panta pláss undir hest fyrir Hugsýn en hún á að fara undir Abraham frá Lundum II sem er fyrir norðan á vegum Hrossaræktarsambands Eyfirðinga og Þingeyina. Ég held að ég sé nokkuð ákveðin með hest fyrir Birtu en ég held Vöku ekki og held að ég haldi Byltingu ekki þetta árið heldur.


Bylting Hjálmarsdóttir - fylfull og kastar snemma í júní - verður ekki haldið í ár


Hugsýn Kjarvalsdóttir - vonandi fylfull -  fer yndir Abraham frá Lundum II nú í sumar


Birta undan Háfeta frá Hvolsvelli - fylfull og kastar snemma í júní - fer undir hest í sumar


Vaka undan Svarti frá Unalæk - kastar í júní - verður ekki haldið í ár

Svo þegar folöldin eru fædd.. hvað eiga þau þá að heita!! Ég hlakka til að liggja yfir því! Reyndar eru einhver nöfn tilbúin en ég er alveg strand með önnur.. kemur allt í ljós

Núna eru prófin mín að skella á.. síðustu prófin!! Ég verð rosalega glöð þegar þetta verður yfirstaðið. Síðasta prófið mitt er 13. maí og eftir það er sko sumarið komið!! Ég skrifa svo lokaverkefnið í haust
Ég hendi inn glóðvolgum myndum eftir helgina þegar myndavélin og fjölskyldan mín eru komin heim. Vonandi eru bumbumyndirnar góðs viti