Hestaferð, verslunarmannahelgi og fleira

Ég eyddi dálítið af júlí í höfuðborginni á meðan Atli var að vinna hjá Icelandair í Keflavík. Við notuðum ferðirnar í að versla inn á baðherbergið en það var ráðist í framkvæmdir hér á bæ fyrir um mánuði síðan. Allt var rifið út af baðinu, loft, veggur, hurð og tækin. Núna er að komast mynd á baðið aftur og ég hlakka verulega til að sjá afraksturinn.. já og geta baðað mig í almennilegri sturtu! Við erum farin nokkur ár aftur í tímann þar sem "sturtan" er komin aftur niður í kjallara og maður þarf að smúla sig sjálfur.

Þó sumarið líði hratt þá hef ég reynt að ríða dálítið út og höfum við nágrannakona mín bara verið ágætlega duglegar saman. Ég fór svo líka í miðnætur reiðtúr í júlí með sveitungum en þá var riðið frá Hæli og inn á Blönduós nema hvað að ferðafélögum mínum þótti ekki nóg að ríða á Blönduós svo það var riðið alla leið heim líka! Ferðin tók því dálítið lengri tíma en áætlað var og vorum við Rák komnar að Neðri-Mýrum undir morgun og þá átti eftir að mjólka  

Við fengum líka kanínur í heimsókn yfir helgina og þeir sem vildu fengu að fara á hestbak. 

Brynja Pála og Kolla

Þórdís Katla og Habba frænka

Birta

Brynja Pála

Þórdís Katla í reiðtúr með mömmu

Fleiri myndir frá verslunarmannahelginni eru hér