Gleðileg jól!!


Jæja þá eru jólin gengin í garð. Ég bloggaði síðast nokkrum dögum fyrir jól svo ég hlít að skulda nokkrar línur.

Síðustu dagarnir fyrir jól liðu ansi hratt enda nóg að gera fyrir jólin. Ég snyrti einn laugardag í Dýrabæ (man ekki hvort það var búið að koma fram) og það var ósköp gaman að hundast aftur. Ég var á nokkuð góðu róli með jólagjafainnkaupin þó að aðalgjöfin hafi beðið fram á Þorláksmessu. Ég var nú alltaf nokkurn veginn ákveðin í því hvað ég ætlaði að kaupa handa Atla svo ég var ekki mjög stressuð. Ég held meira að segja að hann hafi bara verið mjög ánægður með dótið sem hann fékk.

Atli kom heim á Þorláksmessumorgun og ég sótti hann í Leifsstöð. Við fórum svo bara heim og lögðum okkur enda var ennþá nótt hjá honum eftir dvölina í Kanada og ég var líklega ekki búin að sofa í nema um 4 tíma þegar ég þurfti að fara á fætur til að sækja hann. Það var rosa gott að fá hann heim :) Þorláksmessa var svo bara mjög skemmtileg, aðallega letilíf. Við enduðum svo á því að fara með Svenna á Þrjá frakka í skötuveislu. Meira að segja ég fékk mér skötu og smá íslenskt brennivín. Mér fannst nú tvöfalt staup einum of og lét strákana draga mig að landi. 


Svenni með íslenskt brennivín

Við rötlum svo Laugaveginn í góða veðrinu. Það var mikið líf í bænum og rosalega gaman að trítla þetta. Við ætluðum á tónleika með Ullarhöttunum en það var aðeins of pakkað þar og engin sæti í boði svo við skelltum okkur á Apótekið í smá stund og fengum okkur smá bjór. Ég var orðin smá full áður en við fórum heim, skil eiginlega ekkert bara í því en drykkirnir mínir bara leituðu allir í gólfið hmm.. ég þarf eitthvað endurskoða þetta.

Á aðfangadag rétt drattaðist ég á fætur til að fara að snyrta sparikúnnana í Dýrabæ. Ég er auðvitað að tala um Skellu mína og svo tjúana Zorró og Vífil. Ég var aðeins og sein í snyrtingunum.. en það er nú bara voðalega líkt mér.. alltaf á síðasta séns. Ég var komin heim um fimm og átti þá eftir að fara í sturtu og allt áður en jólin byjuðu fyrir alvöru. Mamma er nú svosum ekki voðalega stressuð fyrir jólahaldinu svo ég var í góðum málum. 


Skella orðin fín, að sjálfsögðu með  jólaslaufu

Ég fékk fullt af fínum gjöfum og er mjög sátt við mitt. Fékk meira að segja myndavél frá bankanum og húfu og vettlinga frá mömmu og Lólý sem ég ætlaði að kaupa mér á Þorláksmessu.. en besta gjöfin var auðvitað eftir :)

Eftir að við vorum búin að opna okkar pakka fórum við til Lólýjar og Kidda.. og vá hvað það var gaman hjá krökkunum!! Þau höfðu geymt pakkana frá okkur til að opna um leið og við kæmum og það var sko hamagangur! Sandra að opna dúkkvagn.. Ágúst fékk Liverpool galla og svo var það auðvitað bílabrautin og meira og meira og  meira.. ótrúlegt hvað svona stubbar fá mikið af fínum gjöfum.

Ég fór svo til Atla eftir hamaganginn í Rjúpnasölum. Við opnuðum gjafnirnar okkar saman sem var rosalega gaman. Ég fékk ótrúlega skemmtilega jólagjöf. Ég var nú samt ekki að átta mig á því hvað var í pakkanum þegar ég sá hann. Málið er að Atli sagði um daginn að hann hefði verið að kaupa gjöfina mína og þá var hann staddur í Kanada. Það var ekkert óeðlilegt að hann verslaði þar og því grunaði mér alls ekki að ég fengi það sem ég fékk. Þegar ég sá gjöfina mína hugsaði ég.. afhverju kaupir hann handa mér veiðistöng! Ekki það að ég hefði alveg verið ánægð með veiðistöng en við höfum ekkert talað um að fara saman að veiða og því fannst mér þetta furðulegt. Mér datt bara ekkert annað í hug sem var svona í laginu. Svo las ég kortið og þá bara varð ég að klípa í pakkann.. þetta var girðingastaur! og fleiri biðu eftir mér úti! Ég var samt hissa að fleiri staurar væru úti því við vorum að koma inn og ég sá ekkert óeðlilegt úti. Atli fór svo með mig út og ég var alveg hætt að skilja þetta þegar ég var komin niður á bílaplan. Ég átti svo víst fleiri staura úti, drengurinn var með sendilbíl fyrir utan með bretti af girðingastaurum! Ohh æði.. ég hlakka ótrúlega til að fara að girða! Hann keypti semsagt fullt af staurum og var búinn að koma þeim suður frá Selfossi á sendibíll sem hann fékk lánaðann og núna þurfum við bara að drífa okkur norður með gullið mitt :D

Á jóladag var svo matarboð hjá mömmu í hádeginu. Við hefðum nú alveg verið til í að sofa út en ég er aldrei til í að missa af hangikjöti sem maður fær nú yfirleitt bara á jólunum. Atli kom með mér og sýndi mikinn hetjuskap fannst mér. Þetta gekk auðvitað stóráfallalaust fyrir sig og að sjálfsögðu komst til tals hvað drengurinn minn væri sætur eftir að við fórum :) Jóladagur var svo með rólegra móti, bara rólegheit og leti.

Á annan í jólum fór Atli austur en ég svaf út. Ég mætti svo í jólaboð í Flúðaselið. Þetta var hefbundið jólaboð með krónuleik og æsispennandi fjölskyldubingói. Ég fékk ekki vinning þetta árið frekar en fyrri ár. Konni hennar Jennýjar vann krónuvasann þar sem hann giskaði á þá tölu sem næst kom upphæðinni í vasanum. Ágúst Unnar vann svo fyrsta vinninginn í bingóinu og var auðvitað alsæll eins og "að verða 6 ára" drengir verða þegar þeir vinna pakka. Þetta var mjög fínt, alvöru heitt súkkulaði og tilheyrandi.

Það var ótrúlega gaman að segja frá því hvað ég fékk frá Atla í jólagjöf, viðbrögðin voru mjög mismunandi. Karen sagði t.d. að ef hún hefði fengið girðingarstaura þá hefði hún notað einn þeirra til að rota viðkomandi hehe. Flestum fannst þetta bara rosa flott þar sem fólk þekkir mig.. ég er nú ekki eins og fólk er flest :) Mér finnst nú bara æðislegast að hann hafi haft svona mikið fyrir þessu. Ég á það nú líka eiginlega skilið miðað við tímana sem ég eyddi í veiðibúðum og á netinu í rannsóknarvinnunni minni :) En svo fékk ég auðvitað vinnumann í girðingarvinnuna líka svo þetta voru nú aldeilis ekki bara staurar !! Ég ætla sko að geyma kortið þar sem hann lofar ómældum tíma í að pota þeim niður þar sem ég vil hafa þá !! :D :D

Í kvöld á svo að skella sér í bíó með fænkum og frændum.

Áramótin eru ekki orðin skipulögð hjá mér og þónokkuð í stöðunni hjá mér. Ég ætla mér allavega að eiga góð áramót þar sem ég hef ekki átt djammáramót í herrans ár þar sem ég hef verið með hund á heimilinu og svo í vaktavinnu ofan á allt. Núna er ég laus og liðug og get gert það sem ég vil!

Þegar ég var að bæta inn myndum núna rakst ég á eina af okkur Skellu frá því að hún var lítil. Ég verð bara að setja hana inn þar sem hún var auðvitað bara sætust af öllu sætu!!! Vá hvað ég væri til í svona skvísu aftur!! 


hvað er sætara !! vá ég bara bráðna


Ætla líka að benda á að ég er byrjuð að flytja myndir yfir í myndasíðunna hérna. Þetta eru aðallega hestamyndir og fleiri myndaalbúm eru væntanleg.


Gleðileg jól allir.. skjáumst á nýju ári!!

Núna styttist aldeilis í jólin, 5 dagar í hátíðina. Ég er enn hætt að reykja og alveg að verða búin með jólagjafainnkaupin. Jólin mega bara bráðum koma.. svona þegar ég er búin að kaupa síðustu gjöfina, búin að fara í klippingu og svo framv. það er sko nóg að gera þessa síðustu daga!

Ég gleymdi alveg að minnast á það í síðustu færslu að ég tók fröken Sömbu með mér í hesthúsið í gær og hún fékk að fara með okkur í reiðtúr. Ég er hálf hissa hvað greyjið gat hlaupið þar sem hún er nú ekki í neinu spes formi. Mamma var nú samt alveg viss um að hún væri með harðsperrur í morgun, hún fór víst eitthvað varlega út í garð að pissa. Mér finnst það eiginlega ekki skrítið, ég er sjálf aðeins aum og stirð.

Ég fór í ræktina í morgun og í síðustu mælinguna á þessu ári. Ekki er ég nú mjög kát með afrekið.. búin að þyngjast, fitna og stækka síðan í haust þrátt fyrir lágmark 3 skipti á viku í ræktinni. Ég hef nú heldur ekki étið svona mikið á þessum tíma, eða það finnst mér ekki! Ég er nú reyndar alltaf svöng eftir að ég hætti að reykja en ég er samt ekki að háma í mig nammi.. hef bara svolítið meiri matarlyst.. hvað getur maður eiginlega gert. ARG hvað þetta er pirrandi!

Í kvöld eru litlu jólin hjá okkur frænkunum. Ætlum að hittast hjá Karen, borða saman, hlusta á jólalög og eitthvað fleira skemmtilegt. Svo verður auðvitað skipst á litlum pökkum í tilefni dagsins.

Svo á ég nú eftir að pakka inn öllum mínum gjöfum, jólakortin fóru í póst í dag og meira að segja fóru 2 þeirra óvart frá mér án heimilisfangs.. á eiginlega ekki von á að þau skili sér :S að öðru leiti þá koma jólin bara þegar þau koma.. eins og Sigga frænka segir.. þá koma jólin sama hvort þú ert búin að skúra eða ekki! og það er svo satt!

Jæja verð bara að henda inn myndum af okkur Jörð. Ég fór semsagt í hesthúsið til Lilju í kvöld og við skelltum okkur í reiðtúr. Vá hvað þetta var gaman! Lilja mín passaði sko líka upp á að ég fengi gott hross undir rassin, þessi hryssa er mjög skemmtileg.







Ég er smá hissa hvað Lilju gekk vel að taka myndir af okkur á endanum. Hún hló svo mikið á tímabili að myndirnar voru ekki í fókus. Ég var nú nánast farin undir kvið á hryssunni þegar ég fór á bak aftur því hnakkurinn var orðinn laus.. frekar fyndið! Ég er nú alveg farin að finna fyrir því að ég er ekki tvítug lengur og það er erfitt að brussast svona.

Ohh þetta var æðislegt, skiptir líka svo miklu máli að fá svona skemmtilegt hross undir hnakkinn. Jörð er rosa fín þó að hún hafi nú þurft að flýta sér aðeins á köflum.

Ég hef ekki reykt svo lengi núna að mér finnst varla taka því að telja dagana lengur. Ég er semsagt búin að vera reyklaus í 3 vikur og gengur glymrandi vel.  Ég fer nú alveg að hætta að tala um þetta. Um jólin verður kominn mánuður og mesta hættan yfirstaðin. Ég er alveg að spá í að kaupa mér 10 girðingastaura á mánuði eða eitthvað fyrst ég er ekki að spreða í sígarettur. Mér finnst dýrt að fara og kaupa 200 girðingastaura en ef ég fer nú og kaupi 10 á mánuði þá gerir það nú bara 120 staura á ári. Ég spái í þetta.. en ég held að pabbi yrði ekki kátur ef ég myndi smám saman hertaka bílskúrinn hans með girðingarstaurum haha! Kannski get ég líka samið við Lífland og fengið þetta í áskrift eins og ávaxtabílinn, heimsent einu sinni í viku :) Svo eru allir að væla um að þeir viti ekki hvað á að gefa mér í jólagjöf.. girðingastaura og net!! :) ég er ekki eins erfið og fólk heldur!

Ég er alltaf voðalega mikið að spá í sveitina. Mig dauðlangar að girða og slá og gera allan pakkann og vera hobbíbóndi með hestana mína. Það er bara erfitt að koma sér af stað í svona þegar maður á engar vélar eða neitt. Ég á líka of fá hross til að það borgi sig fyrir mig að standa í stórræðum með heyskap.. ætli málið sé þá ekki bara að fjölga hrossunum, þá borgar þetta sig! Ég veit að það er einhver sem tekur að sér heyskap fyrir norðan, ég er að reyna að grafa upp hvað hann heitir svo ég geti rætt við hann. Svo er ég svo clueless þegar kemur að ýmsu t.d. get ég eiginlega ekki gert mér grein fyrir því hvað kæmu margar rúllur af heimatúnunum í Mánaskál. Það eru til einhverjar gamlar tölur frá því að síðast var heyjað en þá vorum við með litlu þurrbaggana.. ekki veit ég hvað það eru margir þurrbaggar í einni rúllu svo það auðveldar mér ekkert. Ég taldi rúllurnar á Gerðinu fyrir 2 árum held ég, þær voru um 30. Ég er ekki viss hvað gerðið er stórt í samanburði við heimatúnin, né hvernig sprettan er á hvorum stað en að sjálfsögðu er ekki svona fínt hey af heimatúnunum þar sem ekki hefur verið borið á þau í mörg ár. Svo er líka spurning hvort það sé hægt að heyja meira en heimatúnin, það virðist vera nóg af grasi allavega. Það væri samt ótrúlega gaman að heyja túnin og sjá hvernig það kemur út en ekki tími ég að borga heyskapinn af öllu umframheyjinu sem ég hef ekki not fyrir ef þetta er eitthvað mikið meira en ég held.

Ég held að ég fari að biðja jólasveininn um traktor og sláttuvél í skóinn :) Vá hvað ég væri hamingjusöm þá. Ef ég gæti farið að heyja sjálf og svona.. þá gæti ég líka kannski farið að fjölga hrossnum.. og vá hvað ég er fljót á flug! Ég held að ég eigi bara að flytja í sveitina. Mig langar að hafa hesta, nokkrar kindur, mikið af hundum, geitur og hreindýr! Ég er í alvörunni að spá hvort ég geti ekki fengið að flytja hreindýr heim að Mánaskál. Ef ég má kaupa veiðileyfi til að drepa hreindýr.. má ég þá ekki veiða það lifandi og eiga það. Það væri ansi fínt að eiga tarf og kýr og fá hreindýrakjöt á hverju ári :) Ég sé nú engann eiginlegann tilgang með geitunum, þessi 5000 króna styrkur á ári er bara brandari.. en þær eru samt spennandi. Ég þarf eitthvað að reyna að sannfæra karlinn um að það sé langbest að búa fyrir norðan. Einhvern tímann var sagt við mig að maður ætti bara að fara.. karlarnir elti! úfff nei ég þori ekki svoleiðis.. hvað ef maður situr bara eftir einn og enginn elti :S 

Ég fór með pabba og mömmu norður í gær í jarðarförina hennar Elsu frá Balaskarði. Við lögðum af stað um átta og vorum komin heim tólf tímum seinna. Við stoppuðum örstutt í Mánaskál, aðallega til að sjá hvort það væri ekki allt með kyrrum kjörum eftir óveðrin undanfarið. Það leit allt vel út en þessar blessuðu járnplötur sem eru í stafla á hlaðinu fóru af stað eina ferðina enn og búnar að brjóta nokkra staura á girðingunni í kring um bæinn. Ég sver að ég skal ganga betur frá þessu í vor, ég ætla að bera þetta inn í skjól, það virðist ekkert halda þessum plötum í svona veðri. Ég nenni ekki að sækja þetta niður á tún og skipta um girðingarstaura á hverju ári. Annars var bara gott að koma "heim" eins og vanalega. Verst hvað maður gat stoppað stutt. Ég stefni á að fara norður fljótlega aftur. Ég keypti brauð á Blönduósi og var að vonast til að komast í færi við tryppin. Ég sá 3 hrossahópa í langadalsfjalli, enginn hross færi í þetta skiptið.

Í kvöld fer ég í hesthúsið og fæ eitthvað gott undir rassinn hjá Lilju. Það verður svo gaman að fá á sig smá hestalykt og komast í gírinn aftur. Ég hef enn ekki frétt neitt af plássi í heimsenda, mér bjóðast pláss í Gusti en ótrúlegt en satt þá ætla ég að reyna að vera frekar í Heimsenda í vetur.. þó að ég sé að sjálfsögðu Gustari!

Ég bíð spennt eftir því að fá Atla heim.. og tölvuna mína.. þá get ég farið að setja inn fleiri myndir :)

Ég er alveg að deyja úr hrossasótt núna! Lilja vinkona hringdi í mig í gær og við mæltum okkur mót í hesthúsinu í næstu viku. Við þetta hestatal fór allt af stað í hausnum á mér og ég er að deyja.. mig langar svo að taka inn!! Ég er alvarlega að spá í að reyna að finna mér pláss og taka Byltingu inn. Ég hugsa um hross núna allan sólarhringinn og er að verða ég sjálf aftur held ég.. ég hlít að hafa legið í dvala. Það eru að koma jól.. og það þýðir bara eitt.. að maður á að taka inn hestana sína og byrja að ríða út!

Ég verð bara að skella inn myndum af primadonnunni minni..

í september 2007


Ég var nú líka svona sæt þegar ég kom fyrst á hús

Ég þarf eitthvað að finna út úr þessu.. ég bara get varla einbeitt mér.. mig langar svo að fara að dunda mér í hesthúsinu, ríða út og svona.. ohhhh erfitt líf. 



Ég var að setja inn gamlar myndir af Mána mínum.. vá hvað ég sakna hans. Mig vantar svo rosalega annan svona Mána. Mér finnst æðislegt að skoða myndirnar af krökkunum að hnoðast á klárnum. Ég vona að ég eignist aftur svona hross.

Skella mín á jólunum

Jæja gott fólk.. nú skal byrja að blogga

Ég hef ekkert gert í þessari síðu minni í marga mánuði og ætla að reyna að bæta fyrir það.

Það er ekki mikið að frétta af mér. Ég virðist hafa lítið frá að segja þegar ég er ekki með Skellu mína og þar af leiðandi engar sögur af okkar ævintýrum. Hestaheimurinn er líka fátæklegur, ég á engann reiðhest lengur og tryppin ganga úti. Ég var á jólahlaðborði á vegum Smáraútibús í gær. Rosalega fínt og flott og mjög skemmtilegt í alla staði. Ég er svo fyndin.. ég var svo ákveðin að fara í pæjuspariskónum sem ég keypti í Boston um daginn en þeir eru opnir og það var svo ótrúlega kalt í gær að ég tók með sokka og stígvél ef ég skyldi gefast upp á nýju fínu skónum. Ég gleymdi líka alveg að ganga þá til. En ótrúlegt en satt, mér varð ekki kalt eða illt, datt ekki eða neitt og báðir hælarnir á sínum stað þegar ég kom heim. Jenný frænka fékk þá svo lánaða í dag því hún fór á jólahlaðborð í kvöld. Þetta eru sko bara the official jólahlaðborðsskór, pantanir í síma 699-0456. Það er bara svo ótrúlega gott að eiga frænku í sama skónúmeri ef mann langar að fá eitthvað lánað :)

Úr hestaheiminum er þó það að frétta að Máni minn var felldur fyrir stuttu. Helti hráði hann um langt skeið og því var ekkert annað að gera í stöðunni. Hann var felldur fyrir norðan og hvílir þar á góðum stað. Það er rosalega sárt að þurfa að fella fyrsta hestinn sinn, sérstaklega þar sem hann var svo mikill karakter. Máni verður alltaf í uppáhaldi hjá mér þó hann geti ekki hafa talist sem mikill gæðingur. En hann var góður sem Máni. Ég nota þetta nafn svolítið til að flokka hesta. Ef hann er dauðþægur og traustur.. nennir svosum ekkert að leggja of mikið á sig en lætur sko ekki skilja sig eftir í reiðtúrum og auk þess alltaf vel í holdum þá er hann á minn mælikvarða svona "Máni".  Ég vona svo innilega að ég eigi eftir að eignast annan "Mána". Það er svo gott að eiga svona hest sem alltaf er hægt að ná, allir geta riðið.. í hvaða ásigkomulagi sem er.. og er alltaf skotheldur. Máni minn var nú kallaður nokkrum nöfnum, ég hef t.d. kallað hann "Gamla" alla tíð, hann var bara svo gömul sál og svo var hann alltaf elsti hesturinn minn. Lilja vinkona fann líka út að hann væri Lukku láki þar sem hann kastaði toppi með stæl á fetinu. Ótrúlegar hreyfingar hjá honum.. það var stundum eins og það væri svo erfitt að ganga að hann þyrfti að nota hausinn til að hjálpa sér í hverju skrefi. Máni var ekki nema 13 vetra og undir eðlilegum kringumstæðum hefði hann átt nokkur góð ár í viðbót. Svona er lífið bara. Ég er viss um að honum líður mikið betur núna.

Ég ætla að setja inn myndir af Gamla mínum þegar tölvan mín kemur heim frá Kanda.

Myrkvi, Bylting og Drungi eru fyrir norðan og ganga á dalinn. Ótti Eiðssonur gengur enn undir Dimmu fyrir austan en ég er bara að bíða eftir að hann komi í bæinn. Ég er búin að hringja í eiganda Dimmu og hann ætlaði að kanna fyrir mig hvenær folöldin yrðu tekin undan en ég hef ekkert heyrt. Það hlítur eitthvað að fara að gerast í þessum málum enda kominn desember. Ótti ætlar að fara í Gust til Lilju og vera með folaldastóðinu hennar.

Ég stefni á að temja Byltingu þegar líður á veturinn og verður gaman að sjá hvort primadonnan stendur undir væntingum. Svo veit ég ekki hvernig framhaldið verður, kannski fer hún undir hest næsta sumar. Ég stefni á skóla næsta haust og sé ekki fram á að hafa tíma fyrir hestamennskuna þann veturinn. Ég held að hún sé bara nógu góð til að ganga með folald fyrir mig, hún hefur ekkert með það að gera að standa bara úti og éta. Ég segi nú bara svona, það er ekkert ákveðið í þessum efnum. Mig langar frekar að eiga hana sem reiðhest en það er bara ekki nóg að senda í tamningu.. svo þarf að hafa tíma til að halda áfram með hrossin. Mér finnst leiðinlegt ef hún mun svo bara standa. Mig dreymir um að eiga reiðhest aftur. Sérstaklega væri gaman að eiga fulltamið hross sem hægt væri að grípa til á sumrin þar sem ég sé ekki fram á að hafa tíma til að vera með hross inni yfir veturinn. Þó er aldrei að vita..kannski finn ég tíma til að sinna einu hrossi á kostnað skólabókanna. Ég þekki mig samt alveg.. um leið og ég er búin að taka inn þá vil ég hvergi annars staðar vera en í hesthúsinu.

Tölvan mín er eitthvað biluð og það er nú aðalástæðan fyrir bloggleysinu. Ég er í vandræðum með að nota myndir og fleira og því gerist bara ekkert. Við Atli vorum t.d. fyrir norðan fyrir stuttu og ég tók myndir þar sem ég mun setja inn við tækifæri. Við "fórum á rjúpu" þó að enga hafi ég séð rjúpuna. Þetta var samt mjög gaman og við gengum meira að segja upp í skálina. Ég hef aldrei farið þangað upp en alltaf ætlað mér. Núna veit ég að ég get þetta sko bara alveg og ég stefni að því að ganga þetta aftur í sumar og þá ætla ég upp á topp! Hrossin voru ekki í færi þessa helgina. Tryppin mín halda hópinn með hryssum frá Magnúsi á Syðra Hóli en þau voru saman í girðingu á Þverá í sumar. Sá hópur var á vestan við ána þegar ég litaðist eftir þeim.

Svo eru það kannski einu góðu fréttirnar.. ég er hætt að reykja!! Ég segi sko ekki ég er að reyna að hætta að reykja heldur ég er hætt! Það þarf að gera þetta með réttu hugarfari. Ég hvatti Karenu frænku (www.123.is/ior) til að byrja að blogga í átakinu sínu til að halda henni við efnið og ég held að ég ætti bara að gera það sama. Ég hélt upp á væntanlegt reykleysi með pompi og prakt á mánudaginn síðasta. Við stelpurnar fórum út að borða og í Keiluhöllina í pool og mjög eftirminnilegt þythokkí tournament. Síðustu sígarettuna reykti ég svo á tröppunum hjá Atla áður en ég fór að sofa. Það var mjög skrítið að drepa í síðustu sígarettunni.. þessi tilfinning.. þetta er sú síðasta.. úff. Það er erfitt að hugsa sér að hætta að reykja og það er ekki hægt nema að maður sér virkilega ákveðinn. Í dag er laugardagskvöld sem þýðir að ég er að klára 5. reyklausa daginn. Ég tók ákvörðun um að hætta fyrir nokkru síðan, auðvitað ætlar maður sér alltaf að hætta.. en maður ætlar það samt ekki.. það er aldrei rétti tíminn. Ég ákvað núna að hætta og það sem dreif mig í þetta var að Ása frænka hætti og ég hélt að hún myndi aldrei gera það. Ég fékk champix hjá heimilislækninum og byrjaði með hálfsmánaðar skammt. Ég verð nú að segja að þessi lyf gerðu ekkert fyrir mig nema að skapa vanlíðan. Ég varð samt allaf ákveðnari og ákveðnari að ég myndi hætta því mér leið svo illa af þessum lyfjum en aldrei minnkaði löngunin í tóbakið. Svo kom dagurinn sem ég hafði valið mér.. nú var að hætta eða vera aumingi. Ég var svo fúl út í það að hafa verið á lyfjum í hálfan mánuð og líða mjög illa af þeim, þreytt og illa sofin en missa samt ekki löngun í sígarettuna að ég varð eiginlega að hætta samt til að réttlæta það að hafa pínt mig til að taka þess lyf. Í dag er ég með nikótínplástur og svo tyggjó til að grípa í þegar foreldrar mínir púa framan í mig (mamma taktu þetta til þín). Þetta gengur vel og ég er enn ákveðin að ég er hætt! Ég er ekki að hætta að reykja.. ég er hætt!

Svo er bara að sjá hvað ég verð dugleg að blogga í framhaldinu. Ég ætti að hafa einhvern tíma í desember til að blogga og halda áfram með síðuna.

.. to be continued