Þá eru allar myndirnar komar í myndaalbúmið. Ég tók bara nokkrar myndir af tryppunum mínum, það var greinilega bara skemmtilegra að mynda folöldin.


Hér er hann Myrkvi minn, 3. vetra sláni. Myrkvi er undan Dimmu frá Búðarhóli sem er með fín 2. verðl. og Kjalari frá Skagaströnd sem er brúnskjóttur Hilmissonur. Myrkvi er stór og myndarlegur en ég hefði nú kosið aðeins meira fax. Það þýðir þó ekkert að kvarta þó hann sé bæði "bara brúnn" og faxrýr.


Hér er svo primadonnan í hópnum. Bylting 3. vetra undan Hjálmari frá Vatnsleysu og Jörp frá Haga.

Svo er það Drungi undan Dimmu "minni" og Klett frá Hvammi.. einnig "bara brúnn en þó aðeins meira af faxinu en á Myrkva stóra bróður". Drungi er 2. vetra og er frekar gelgjulegur greyjið. Hann á vonandi eftir að braggast vel í sumar.

Svo held ég að ég verði bara að skammast mín.. ég tók nefnilega enga mynd af höfðingjanum mínum Mána gamla.

Svo verð ég nú bara að sýna ykkur nokkrar myndir sem ég tók af folöldunum hennar Signýjar..
Rosalega sætur hestur


Blesa með sinn jarpblesótta fola


Sylgja með brúnblesótta, hringeygða hryssu með leist á vi afturfæti.. æðislegur litur!

Við Skella fórum norður í Mánaskál á föstudagskvöld. Fyrir hádegi á laugardaginn keyrði ég milli skurða og dró upp úr þeim rusl. Ég fyllti kerruna af tunnum, járni og öðru rusli og fór í ruslaferð á Blönduós. Mamma dundaði sér við að bera á gluggana og pabbi var einnig í tiltektum. Eftir hádegi rukum við af stað til að smala hrossunum út í rétt. Stóðið var akkúrat á svo fínum stað fyrir neðan bæ hjá Signýju. Í grófum dráttum gekk þetta bara mjög vel þó svo að hrossin hafi tekið strikið yfir ána í stað þess að fara beint í átt að réttinni. Við Signý erum auðvitað svo liprar í snúningum að við skelltum okkur bara yfir ána og björguðum þessu. Enginn er verri þó hann vökni ekki satt? Við flokkuðum hrossin í réttinni, settum folaldshryssurnar sér, tryppi sér, reiðhestana sér og svo annara manna hross sér. Stebbi á Njálsstöðum kom svo og sótti hryssurnar en þær voru að fara í girðingu til Flipa frá Njálsstöðum. Tryppin okkar Signýjar urðu áfram í réttinni þar sem það á eftir að gelda einn í hópnum.

Á sunnudag var haldið áfram að hrossastússast. Signý og Magnús sóttu 4 hryssur í Norðurárdal sem voru farnar úr stóðinu. Þar kom meira að segja lítil brúnblesótt hryssa með leist á öðrum afturfæti, hringeygð og alles.. rosalega flottur litur. Stebbi sótti svo hryssurnar í réttina og fór með þær í hólfið. Magnús snyrti hófa fyrir mig á tryppunum mínum sem gekk bara ágætlega, ef einhver var með leiðindi þá var það hún Bylting. Hún var svosum ekkert erfið en hún vildi örugglega að við værum með það á hreinu að hún væri ekki hrifin af þessari meðferð. Við settum svo tvö tryppi og folald á kerru og vötnuðum hrossunum.

Ég tók heilann helling af myndum. Ég er búin að gera myndaalbum fyrir folöldin frá Balaskarði og er hægt að skoða það hér til vinstri. Myndirnar eru ekki allar komnar inn en restin kemur vonandi í kvöld. Svo þurfum við Signý líka að bera saman bækur okkar, ég er ekki með alveg á hreinu hver er hvað, hvað var hryssa og hvað var hestur og svo framv. Ég held nú samt að ég sé með á hreinu hvaða hryssa á hvaða folald.. en hvað sú hryssa svo heitir veit ég ekki endilega. Ég vona líka að ég hafi tekið myndir af öllum folöldunum en reyndar veit ég að eitt gleymdist. Bleikálóttskjótta hryssan hennar Signýjar var með brúnskjóttum hesti en þar sem hún var höfð sér og átti ekki að fara undir Flipa aftur þá gleymdi ég alveg að taka myndir af hennar folaldi.  Einnig er ég bara með eina mynd af brúnni hryssu með brúnt folald. Ég hef greinilega verið orðin ansi rugluð á því hvað ég var búin að mynda og hvað ekki.

Faðir folaldanna er Flipi frá Njálsstöðum undan Þokka frá Bjarnanesi og Frekju frá Enni. Flipi er Jarpnösóttur en ég ætla að reyna að nálgast mynd af kappanum. Flipi hefur verið að gefa auðtamin og góð reiðhross en nánari lýsing kemur seinna. Ég geri ráð fyrir að flest folöldin séu til sölu en nánar um það síðar.

Ég tók auðvitað myndir af tryppunum mínum líka og þær koma inn fljótlega. Reyndar var ekki jafn gaman að mynda þau eins og folöldin sem stilltu sér upp hvert af öðru. Máni minn var sóttur á laugardag og settur í girðingu með reiðhestunum hennar Signýjar. Hann er víst haltur en ég þarf greinilega að skoða hans mál eitthvað nánar. Það lítur út fyrir að þetta verði síðasta sumarið hans gamla míns.

Ég er búin að auglýsa Dimmusoninn minn til sölu. Hann hefur fengið nafnið Ótti sem mér finnst bara ógurlega flott. Ég á eftir að gera almennilega sölusíðu hérna og þá skelli ég honum inn þar líka.

Jæja þá er vinnuvikan að verða búin. Ég fer norður annað kvöld og tek Skellu mína með. Planið er að kíkja á hrossin. Það á að smala saman hrossunum og fara með hryssurnar á Balaskarði undir Flipa frá Njálsstöðum. Ég nota tækifærið til að gefa tryppunum mínum ormalyf og snyrta hófa. Það verður gaman að sjá þau og vonandi get ég tekið eitthvað af myndum.

Dimmusonurinn hefur ekki enn fengið nafn en ég er með eitt í huga en það kemur í ljós eftir helgi hvort ég skipti um skoðun. Hann er líklega núna í girðingu hjá Þey frá Akranesi með Dimmu. Ég á nú von á að fá einhverjar myndir af honum frá eiganda Dimmu og svo verður spennandi að sjá hvernig hann verður á litinn þegar hann missir folaldahárin. Svo er ég nú líka að velta fyrir mér hvort ég eigi að selja hann eða halda honum, svona er ég nú klikkuð.. get aldrei ákveðið mig.

Meira af þessu seinna..

Jæja þá held ég að þetta sé allt að koma hjá mér.. loksins!!

Það er allavega komin smá síða fyrir folann hér til vinstri. Svo er bara að sjá hverju ég bæti við.

Ég er búin að gera síðu fyrir nýjasta Dimmusoninn en einhverra hluta vegna birtist hún ekki. Myndirnar eru þó orðnar virkar inn í myndaalbúminu. Þessi prufuaðgangur er ekki alveg að selja sig.. allavega ekki miðað við gráu hárin sem ég sé spretta upp úr kollinum á mér akkúrat núna!! Djö!

Ég er að spá í að starta nýrri heimasíðu þar sem ég get ekki uppfært gömlu síðuna mína www.manaskal.tk

Til að byrja með er ég að gera smá síðu um nýjasta fjölskyldumeðliminn sem er hestfolald undan Dimmu minni og Eið frá Oddhóli. Svo er bara að sjá hvernig heimasíðusmíðin ganga.. ég veit ekkert hvað ég er að gera.

Kv. Kolla